Ne të tre

Ne të tre Roman me Autor Fatos Kongoli. Shtëpia botuese: "Toena" (ribotim) në vitin 2006. Faqet e librit 280. ISBN 978-99943-1-193-X. Botimi i parë (1985).

Tirana e vitit 1980. Një grup shokësh, sipas fjalës së dhënë, takohen me rastin e dhjetëvjetorit të mbarimit të maturës. Pjesa më e madhe e tyre, të shpërndarë andej - këndej, nuk e kanë parë njëri - tjetrin. Po ç'ka ndodhur ndërkaq me secilin?

Në këtë roman të parë të tij, Kongoli shfaq prirjen e hershme për t'u marrë me "jetët e vogla" njerëzore. Dhe, përmes tyre, na sjell një tablo të hershme plot dritë - hije. Me dashuritë romantike, tepër të brishta e naive, përballë një realiteti plot ligësi; ku mjaftonte një letër anonime për t'ia nxirë jetën gjithkujt.