Nevruzi (roman historik)

Nevruzi Gjinia: Roman historik. Autori: Mehdi Frashëri. Shtëpia botuese: "Plejad". Viti i botimit 2012. Faqet e librit 184. ISBN 978-99956-57-83-3

Fragment nga libri

Ajasi kur arriti në luftë mori kumandën, si oficer q'ishte; i vuri në radhë, grekërit kishin bërë këngë:

"Ra në vësë zbuti dhen

Shkeli kryqi Muhamenë

Grat e turqet për ne mbenë

Të na siellinë kafenë."

Ca grekomanë tradhëtorë, që mohonin gjakun e tyre, gjuhën e tyre, besën shqiptare dhe zakonet fisnike, kto këngë i përkthenin në shqip kundra atdhetarëve të tyre.

"Spiroja këndon këtë këngë:

More grek o maskara,

Ç'të lipset lufta me na,

Na jemi djemt' e Arbërisë

Ju ini bijt' e Rospisë,

Kryq' e hënë bëjnë be,

Se na s'kemi din' e fe,

Kemi fen' e Perëndisë

Dhe dëshirën e lirisë,

Shënjë kemi Arbërinë

Dhe si fe vëllazërinë

Pushk e jatagan në dorë

Dhe fitore në kurorë,

Gjithë vdesim me hiri

Se s'pranojmë skllavëri,

Ju të liq e tradhëtorë

S'na gënjeni mor të gjorë

Me Ungjill e me Kuran

Nuk na ndani dot veçan.