Nikollë Marku
Nikollë Marku | |
|---|---|
 At' Nikollë Marku në Kishën e Shën Mërisë në Elbasan | |
| Lindi | Nikollë Marku 3 dhjetor 1948 Elbasan, Shqipëri |
| Vdiq | 19 korrik 2025 (76 vjeç) Elbasan, Shqipëri |
| Kombësia | Shqiptare |
| Profesioni | Prift ortodoks |
At Nikollë Marku (3 dhjetor 1948 – 20 korrik 2025) ishte një prift i vetëshpallur shqiptar ortodoks në dioqezën e Shën Mërisë, në kalanë e Elbasanit.
Jeta e hershme dhe biografia
[Redakto | Redakto nëpërmjet kodit]Nikollë Marku lindi më 3 dhjetor 1948 në qytetin e Elbasanit. Babai i tij ishte mësues në Shkollën Normale, e cila ka qenë një nga institucionet më të rëndësishme në historinë e arsimit shqiptar.
Gjatë regjimit socialist ai punoi si llogaritar. Pas rënies së sistemit komunist, udhëtoi drejt Greqisë për të ndjekur studimet teologjike, por nuk i përfundoi atje. Studimet i vazhdoi dhe i përfundoi në Shqipëri dhe më pas u shugurua si prift nga Kisha Ortodokse e Maqedonisë.
Për shkak të përplasjeve me Kryepeshkopin Anastas dhe drejtues të KOASH, u vendos në Kishën e Shën Mërisë në kalanë e Elbasanit. Ai mori mbështetjen e një grupi besimtarësh ortodoksë dhe në qershor të vitit 1996 përfitoi një vendim gjykate me nr. 2634, që e njohu si subjekt kulti.[1]
Megjithatë, KOASH nuk e njohu kurrë At Nikollën si përfaqësues të ligjshëm dhe e konsideroi qëndrimin e tij në këtë kishë si uzurpim. Pavarësisht kësaj, që nga viti 1996 deri në vdekjen e tij në vitin 2025, ai qëndroi në Kishën e Shën Mërisë, duke vepruar si klerik dhe figurë shpirtërore për komunitetin e tij.
Vdekja
[Redakto | Redakto nëpërmjet kodit]Mbrëmjen e së shtunës të 19 korrikut 2025, rreth orës 22:00, pas një sëmundjeje të gjatë dhe të rëndë, ai u nda nga jeta në moshën 76 vjeçare. [2]
Referime
[Redakto | Redakto nëpërmjet kodit]- ↑ "At Nikolla Marku, replika me Kishën: Jam prift i kombit". BalkanWeb. Marrë më 2024-01-17.[lidhje e vdekur]
- ↑ "Ndahet nga jeta At Nikolla Marku, prifti i Kishës "Shën Maria" në Elbasan". Shqiptarja.com. 20 korrik 2025. Marrë më 20 korrik 2025.