Nikolla Naço

Nga Wikipedia, enciklopedia e lirë
Jump to navigation Jump to search
Nikolla Naço
Pullë postare në kujtim të Nikolla Naços

Nikolla Naço (1843 - 1913) veprimtar dhe atdhetar i Rilindjes Kombëtare nga Korça.[1]

Biografia[redakto | redakto tekstin burimor]

Lindi në qytetin e Korçës. Qysh si i ri mërgoi jashtë atdheut, në fillim në Egjipt e pastaj në Rumani. " Kur në Bukuresht u themelua Shkolla Normale Shqipe "Drita" nga ana e Shoqërisë "Drita" e Bukureshtit, në vitin 1892, drejtor i saj u caktua Nikolla Naço."[2] Njëkohësisht ishte edhe kryetar i shoqërisë në fjalë. Në këtë shoqëri ku ishin përfshirë elementë të vegjëlisë së kolonisë shqiptare në Rumani, Nikolla punoi pa ndërprerje në të mirë të çështjes kombëtare, duke ndihmuar për përhapjen e ideve kombëtare te bashkatdhetarët e tij të mërguar ashtu si edhe të atyre në atdhe, për çeljen e shkollave shqipe dhe për mbajtjen e ty, re. Krahas me drejtimin e Shkollës Normale Shqiptare - Rumune" ka drejtuar edhe gazetën "Shqiptari" që dilte në Bukuresht në periudhën mes viteve 1888 - 1903 (me ndërprerje). Nikolla Naço mbante lidhje me shumë atdhetarë shqiptarë brenda dhe jashtë atdheut, ashtu si edhe me personalitete rumune dhe europiane të kohës. Është autor i disa memorandumeve dërguar Portës së Lartë dhe fuqive të mëdha. Vdiq në Bukuresht në vitin 1913.[1]

Shih edhe[redakto | redakto tekstin burimor]

Lidhje të jashtme[redakto | redakto tekstin burimor]

Referenca[redakto | redakto tekstin burimor]

  1. ^ a b Fjalor enciklopedik shqiptar, Akademia e Shkencave e Shqipërisë, Tiranë, 2008, fq. 1804
  2. ^ Për më gjerësisht shih, Prof. Dr. Ismet Dërmaku: Nikolla Naço (1843 - 1913) Apostull i shqiptarizmës, "Dukagjini", Pejë, 2000