Panorama Sport (gazetë)

"Panorama Sport" është botim i "Panorama Group". Aktualisht është gazeta sportive më e madhe në vend. Është themeluar më 21 mars të vitit 2004 dhe ka mundur që jo vetëm të fitojë terren ne shtypin e përditshëm sportiv, por tanimë konsiderohet si gazeta më e shitur dhe më cilësore në vend. Në Shqipëri vlerësohet si një nga mediat sportive opozitare. "Panorama Sport" ka një tirazh mesatar prej 15 mijë kopjesh. Kryeredaktor i saj është Jetmir Halilaj, ndërsa zv.kryeredaktorë Jorgis Memo dhe Jeton Stamolla. Kjo gazetë ka arritur të fitojë ndjeshëm lexuesin sportiv, falë pasqyrimit real të çdo lajmi dhe problematike. Është e vetmja gazetë sportive që ka rubrika si "Dossier", apo që i kushton më shumë hapësirë lajmit të sportit shqiptar dhe atij të huaj. Ndërkaq, portali www.panoramasport.al është më i klikuari i faqeve sportive në Shqipëri dhe ndër më të ndjekurit në rang kombëtar me afro 650 mijë klikime në ditë. Kjo për shkak të shpejtësisë, saktësisë dhe paanshmërisë.