Pulë me lëng

Nga Wikipedia, enciklopedia e lirë

Pula pritet në thela, mund të përdoren edhe pjesët e mbetura mbasi janë hequr filetat, kaurdiset në tenxhere me yndyrë së bashku me qepët e grira hollë, shtohet miell, kaurdiset pak, shuhet me verë dhe pas pak shtohen domate ose salcë. Kaurdisen për 5 minuta, i hidhet ujë derisa të mbulohen thelat, shtohet kripë, piper e dafinë dhe zihet në zjarr të ngadalshëm derisa të jetë gati. Gjatë ndarjes në pjata spërkatet me majdanoz të grirë hollë dhe hudhra të shtypura sipas dëshirës.

Për 4-5 persona duhen :

  • pulë 500 g,
  • yndyrë 3-4 lugë gjelle,
  • verë 2 lugë gjelle,
  • domate 3-4 kokrra ose salcë 1 lugë gjelle,
  • miell 1 lugë gjelle,
  • qepë 1 kokërr,
  • kripë, piper i zi,
  • dafinë 1 fletë,
  • hudhra 3-4 thelpinj,
  • majdanoz.