Qefalonia

Qefalonia ose Qefalinia (greqisht: Κεφαλονιά/Kefalonia), është ishulli më i madh ndër ishujt e Jonit në perëndim të Greqisë, me një sipërfaqe prej 781km ². Ajo është gjithashtu një njësi e veçantë rajonale e rajonit të Ishujve Jonianë, dhe komuna e vetme e njësisë rajonale. Kryeqyteti i Qefalonisë është Argostoli.

Ekonomia

Turizmi

Turistët nga e gjithë Greqia, Europa dhe bota vizitojnë Qefaloninë. Ajo është një destinacion popullor pushimesh për shumë italianë, për shkak të afërsisë së saj me Italinë. Si një nga ishujt më të mëdhenj në Greqi, ai është i pajisur mirë për të përballuar fluksin e turistëve gjatë verës. Shumica e turistëve qëndrojnë në Lassi, që është afër Argostolit, ose në fshatrat jugore të Skalas dhe Katelios. Qefalonia ka diçka për të ofruar për të gjithë. Dy bukuritë natyrore, liqeni nëntokësor Melissani dhe plazhi Myrtos, kanë ndihmuar në popullarizimin e Qefalonisë. Filmi Mandolina e Kapiten Korellit (2001), që u xhirua në Qefaloni, e bëri atë më shumë të njohur.

Prodhimi i vajit të ullirit

Prodhimi i vajit të ullirit është një pjesë e rëndësishme e ekonomisë së Qefalonisë. Deri në shekullin e 18-të sasia e vajit të ullirit të prodhuar në ishull mbulonte vetëm nevojat e banorëve. Megjithatë, presioni i pushtuesve venedikas për plantacione ulliri, sidomos pas humbjes së Peloponezit dhe Kretës rezultoi në rritjen e prodhimit në një shkallë të tillë që çoi në fillimin e eksporteve të para në Venecia. Para tërmetit Jonian të vitit 1953, kishte 200 punishte të vajit që operonin në ishull, sot, ka trembëdhjetë. Ka mbi një milion pemë ulliri në Qephaloni, që mbulojnë pothuajse 55 për qind të sipërfaqes së ishullit. Vaji i ullirit është shumë i rëndësishëm për ekonominë lokale të ishullit. "Koroneiki" dhe "theiako" janë dy varietetet kryesore të kultivuara në ishull dhe në një numër më të vogël janë "ntopia" dhe "matolia".