Shko te përmbajtja

Jericho

Nga Wikipedia, enciklopedia e lirë
(Ridrejtuar nga Rok grupi jericho)
(nga majtas-djathtas) Leonard Canhasi, Petrit Çarkaxhiu, Visar Rexha, dhe Edmond Gjinolli të bendit Jericho duke performuar në Prizren Rock & Blues Fest 2025.

Jericho është një grup kosovar i rokut geg[1] i formuar nga disa të rinj shqiptarë nga Kosova, në maj të vitit 1997 në Prishtinë. Ai përbëhet nga vokalisti e kitaristi Petrit Çarkaxhiu, kitaristi solo Leonard Canhasi, basisti Edmond Gjinolli dhe bateristi Visar Rexha. Grupi nijhet për ngjeshjen e muzikës tradicionale shqiptare— karakteristike e Kosovës dhe Shqipërisë veriore —dhe rokut. Përveç instrumenteve standarde të rokut, ata përdorin edhe instrumente orientale të cilat bëjnë pjesë në muzikën tradicionale shqiptare, siç është tupani, kavalli dhe zurna.[1][2]

Në themelim, basist i grupit ishte Suad Jamini. Jamini ndërroi jetë në 2018.[3][4]

Tekstet e këngëve në përgjithësi janë të shkruara në dialektin gegë, i cili flitet në Kosovë, Maqedoni dhe Shqipërinë veriore, ku, shpesh përdoret edhe në poemat epike shqiptare. Të gjitha këngët e Jerichos, trajtojnë tema sociale, me theks të veçantë për problemet që populli shqiptar i ka pasur dhe vazhdon t’i ketë me qeverisjen e vendit. Një nga këngët e para si dhe ajo që i mundësoi Jerichos të ndërtoj një publik rreth vetes është ''Don’t f*** with Albanians''. Këngët e Jericho-s janë të njohura kryesisht në mesin e të rinjve shqiptarë që jetojnë në Ballkan, por janë transmetuar edhe në stacionet e ndryshme të pavarura dhe Radio alternative në të gjithë vendet ish-jugosllave.

Me rastin e 100 vjetorit të pavarësisë së shtetit shqiptar, ky grup, publikoi këngën ''nëntor i ftohtë''. Një “nëntor i ftohtë” kur populli po festonte një shekull si shtet i pavarur. Ky titull “i ftohtë”, sipas vokalistit Petrit Çarkaxhiu, ishte si pasojë e mosinformimit dhe injorancës së popullit për këtë datë të rëndësishme, mirëpo edhe për gjendjen e atëhershme në të cilën gjendej populli shqiptar. Kjo këngë është e ndarë në tri pjesë, ku pikërisht pjesa e parë flet për 28 nëntorin e 1912-ës, ku, sipas Petritit ishte viti më i vështirë i popullit shqiptar, sidomos për ata të cilët u ndanë me forcë nga Shqipëria.

Përveç këngëve të lart përmendura, grupi “Jericho” njihet edhe për shumë këngë të tjera si: ''Zgjohu'', ''Tomlin e nonës'', ''Kur do t’pushojë kjo kangë'', ''Albanian Rhapsody'' e shumë të tjera.

Pjesëtarët e këtij rock grupi janë:

  • Petrit Çarkaxhiu - Vocal & Rhythm Guitar
  • Leonard Canhasi - Solo Guitar
  • Edmond Gjinolli - Bass Guitar
  • Visar Rexha - Drums

Festivalet dhe koncertet në të cilat mori pjesë grupi Jericho:

  • Montreux/Suisse (Montreux Jazz Festival 2012)
  • Bruxelles/Belgium (Balkan Trafik Festival 2013)
  • Bratislava/Slovakia (majalsky Festival 2013)
  • Istanbul/Turkey ( Mimar Sinan Güzel Sanat Festival 2011)
  • Bogota/Columbia  (Bogota International Theater Festival 2012)
  • Ljubljana/Slovenia (Int. Theater Festival - Kino Shishka 2012)
  • London/UK (BBC Radio Concert - Tutus Bar 2002)
  • Zürich/Suisse (Jericho Concert - Labor Bar 2011)
  • Tirana/ Albania (Bunker Fest & Tirana Express 2012)
  • Prishtina/Kosova (Festivali Yt 2012; Freedom Fest 2010; "1 October" Arena - Jericho Concert 2011)
  • Skopje/Macedonia ("Boris Trajkovskii" Arena - 2012)

Çmimet e fituara

[Redakto | Redakto nëpërmjet kodit]
  • Erasmus EuroMedia Awards 2013/Medal of Excellence
  • "Between Two Civilizations" - Vienna/Austria
  • "Magdalena" Awards 2008 - Maribor/Slovenia
  • Main Magdalena Award - "Tomlin e Nones"
  • Best Video - "Tomlin e Nones"
  • Radio BBC/ Albanian Section Contest 2002
  • Best Live Band - Live Performance - London/UK
  • Live Recording at Studio 7/ BBC Radio Bush House
  • "Top Fest 2007" - Best Video
  • "Tomlin e Nones" - Tirana/Albania
  • "Hit song of the Week" - Radio "Študent"
  • "Destiny" - Ljubljana/Slovenia 1999

Këngët më të njohura të grupit janë:

[Redakto | Redakto nëpërmjet kodit]
  • Shkaba
  • Kanga jonë
  • Tomlin e nonës
  • Albanian Rhapsody
  • Nëntor i ftohtë
  • Kur do t'pushojë kjo kangë
  • Zgjohu
  • Fundi
  1. 1 2 ""Jericho" me rock mban ison e muzikës së jugut të Shqipërisë". KOHA.net. 2023-07-02. Marrë më 2025-07-13.
  2. Bytyçi, Artrit (2017-12-25). "Jericho: 20 Vjet të Rapsodëve të Rebelimit". Kallxo. Marrë më 2025-07-13.
  3. "Vdes rock-kitaristi i grupit Jericho, Suad Jamini". KOHA.net. 2018-06-15. Marrë më 2025-07-13.
  4. "Muzika rock në zi, ndahet nga jeta basisti i grupit Jericho - Shqiptarja.com". shqiptarja.com. Marrë më 2025-07-13.