Rrethimi i Zhadovillit

Si pjesë e krizës më të madhe të Kongos (1960–64), rrethimi i Zhadovillit [ʒa.do.vil] filloi më 13 shtator 1961, duke zgjatur pesë ditë. Ndërsa shërbente nën Operacionin e Kombeve të Bashkuara në Kongo (Operation des Nations Unies au Congo, ONUC), një kontigjent i vogël i Batalionit të 35-të të Ushtrisë Irlandeze, i caktuar Kompania "A", u rrethua në bazën e OKB-së pranë qytetit të minierave të Zhadovillit (Likasi i sotëm) nga forcat katangese besnike ndaj shtetit secesionist të Katangës. Rrethimi u zhvillua gjatë përshkallëzimit shtatëditor të armiqësive midis forcave të ONUC-së dhe forcave katangase gjatë Operacionit Morthor. Edhe pse kontigjenti prej 155 ushtarësh irlandezë zmbrapsi sulmet e një force katangase prej 3,000 trupash, ata u detyruan përfundimisht të dorëzoheshin pasi iu mbaruan municioni dhe uji. Kompania "A" u mbajt më pas si robër lufte për rreth një muaj, përpara se të lirohej më 15 tetor si pjesë e një shkëmbimi të të burgosurve. Forcat irlandeze shkaktuan afërsisht 1,300 viktima (duke përfshirë deri në 300 të vrarë) në forcën katangase, pa asnjë vdekje në mesin e kompanisë "A".