Shqipëria, përmes veprës dhe shkrimeve të misionarit italian At Domeniko Pazi, vëllimi lll

Shqipëria, përmes veprës dhe shkrimeve të misionarit italian At Domeniko Pazi, vëllimi lll Gjinia: Histori, kujtime. Autori: Fulvio Kordinjano. Shqipëroi: Ilirjana Angoni. Shtëpia botuese: "Plejad". Viti i botimit 2011. Faqet e librit 342. ISBN 978-99956-57-68-0

Koment nga autori

Në mes të një morie besimesh dhe një morie ritesh magjike e turmash supersticioze, është zhvilluar vepra e madhe misionare e At Pazit. Spikatin, midis të tjerave, përbri Sunizmit ortodoks dhe zyrtar, i cili ishte dashakeq dhe përndjekës, besimi dhe supersticionet e Rufaizmit, çka tërhoqi vëmendjen e Misionarit në rajonin e Gjakovës dhe që ne e kemi përshkruar me gjuhë fantazmagorike dhe fabuliste të dervishëve.

Përsa i përket tabanit besimtar të shqiptarit, mbi të gjitha të shqiptarit katolik, përballë të të ashtuquajturës kultura e Shqipërisë së Re dhe fjalëve të mëdha për një përparim krejt të përlyer, kam folur në hyrjen e vëllimit të dytë.

Më mbetet për të thënë diçka në lidhje me aspektin dogmatik dhe moral të Rufaizmit sipas njërit prej Shehëve më me emër dhe më autoritarë të tyre dhe meqënëse ishte me origjinë nga vendet në të cilat misionari ka pasur rast të njohë sektin, do të japë ndihmesë për të nxjerrë në dritë jo vetëm atë kapitull përvojash misionare, por edhe jetën intime të Islamit në Shqipëri si një faktor i jetës shoqërore.