Sinjalet rrugore në Shqipëri

Sinjalet rrugore në Shqipëri rregullohen nga neni 39 i Kodit Rrugor të Republikës së Shqipërisë. Këto sinjale ndahen në:

Sinjale të rrezikut
Sinjale urdhëruese, të cilat ndahen në:
1. Sinjale përparësie
2. Sinjale ndalimi
3. Sinjale detyrimi
Sinjale treguese, të cilat ndahen në:
1. Sinjale paralajmëruese
2. Sinjale të drejtimit
3. Sinjale pohuese
4. Sinjale të identifikimit të rrugëve
5. Sinjale të itenerarit
6. Sinjale të qendrave urbane
7. Sinjale të emrave të rrugëve
8. Sinjale turistike të territorit
9. Sinjale të tjera që japin informacion të dobishëm për drejtimin e mjeteve
10. Sinjale të tjera që tregojnë impiante dhe shërbime

Sinjalet e rrezikut[Redakto | Redakto nëpërmjet kodit]


Sinjali	Emri	Shpjegimi
	Rrugë e deformuar	Paralajmëron një pjesë rruge të deformuar.
	Kurriz në rrugë	Paralajmëron një pjesë rruge me fushëpamje të kufizuar si pasojë e një kurrizi në rrugë.
	Gropë në rrugë	Paralajmëron një pjesë rruge në formë të lugët.
	Kthesë nga e djathta	Paralajmëron një kthesë të rrezikshme nga e djathta.
	Kthesë nga e majta	Paralajmëron një kthesë të rrezikshme nga e majta.
	Kthesë e dyfishtë, e para nga e djathta	Paralajmeron disa kthesa të rrezikshme te njëpasnjëshme, nga të cilat e para është djathtas.
	Kthesë e dyfishtë, e para nga e majta	Paralajmeron disa kthesa të rrezikshme te njëpasnjëshme, nga të cilat e para është majtas.
	Kalim në nivel me barriera	Paralajmëron një kalim në nivel të ruajtur me barriera ose gjysmëbarriera.
	Kalim në nivel, i paruajtur	Paralajmëron një kalim në nivel të paruajtur me barriera apo gjysmëbarriera.
	Kryqi i Shën Andreas	Tregon se jemi pranë një kalimi në nivel vetëm me një linjë, pa barriera (i paruajtur).
	Kryqi i dyfishtë i Shën Andreas	Tregon se po i afrohemi një kalimi ne nivel me dy ose me shumë linja, pa barriera.
	Panelet distancametrike	Vendosen respektivisht 150 m, 100 m dhe 50 m larg nga ndërprerja e linjës hekurudhore me rrugën.
	Vendkalim i linjës së tramvajit	Paralajmeron një linjë tramvaji brenda ose jashtë qendrave të banuara, të parregulluara me semafor.
	Vendkalim këmbësorësh	Paralajmëron një vendkalim për këmbësorë, i dalluar me sinjale horizontale.
	Vendkalim për biçikletat	Paralajmëron një vendkalim biçikletash me sinjale horizontale.
	Zbritje e rrezikshme	Paralajmëron një zbritje të rrezikshme, duke treguar edhe përqindjen e saj (në këtë rast 10%).
	Ngjitje e rrezikshme	Paralajmëron një ngjitje të rrezikshme, duke treguar edhe përqindjen e saj (në këtë rast 10%).
	Ngushtim simetrik i rrugës	Paralajmëron një ngushtim të rrugës nga të dyja anët e saj.
	Ngushtim asimetrik i rrugës (nga e majta)	Paralajmëron një ngushtim të rrugës nga ana e majtë.
	Ngushtim asimetrik i rrugës (nga e djathta)	Paralajmëron një ngushtim të rrugës nga ana e djathtë.
	Urë e lëvizshme	Paraljmëron një urë të lëvizshme.
	Bankina të dëmutuara	Paralajmëron një pjesë rruge me bankina të pasigurta, të cilat mund të shemben.
	Rrugë e rrëshqitshme	Paralajmeron një pjese rruge që, në kushte të veçanta të mjedisit ose klimës mund të bëhet një sipërfaqe e rrezikshme në rreshqitje. Mund të shoqërohet me panelet plotësuese: - rrugë e rrëshqitshme për shkak të shiut - rrugë e rrëshqitshme për shkak të dëborës
	Fëmijë në rrugë	Paralajmëron vende ku kalojnë fëmije, si shkolla, kopshte, parqe publike.
	Kafshë shtëpiake	Paralajmëron një pjesë rruge ku mund të kalojnë kafshët shtëpiake.
	Kafshë të egra, të lira	Paralajmeron një pjesë të rrugës ku mund të kalojnë papritur, kafshë të egra.
	Qarkullim në të dy senset e rrugës	Paralajmeron se karrexhata do të bëhet me dy sense lëvizjeje nga një sens lëvizjeje që ishte më parë.
	Rrethqarkullim	Paralajmëron një kryqëzim të dy ose më shumë rrugëve të rregulluar me qarkullim rrotullues në drejtim sipas shigjetave të treguara në sinjal.
	Rruga të çon në mol	Paralajmëron se rruga del në një mol, ose dige me rrezikun e rënies në ujë.
	Materiale të paqëndrueshme në rrugë	Paralajmeron praninë, mbi siperfaqen e rrugës të lëndëve si çakull, zhavorr etj.
	Rënie gurësh nga e majta	Paraqet rrezikun e rënies së gurëve nga një shkëmb në anën e majtë të rrugës.
	Rënie gurësh nga e djathta	Paraqet rrezikun e rënies së gurëve nga një shkëmb në anën e djathtë të rrugës.
	Semaforë verikalë	Paralajmëron një impiant semaforik, brënda ose jashtë qëndrave të banuara, me vendosje vertikale të fenerëve.
	Semaforë horizontalë	Paralajmëron një impiant semaforik, brenda ose jashtë qëndrave të banuara, me vendosje horizontale të fenerëve.
	Mjete fluturuese	Paralajmeron mundesinë e zhurmave të forta ose të verbimit të shkaktuar nga fluturimi i avioneve nënje lartesi të vogël.
	Erë e fortë anësore	Paralajmëron një pjesë rruge në të cilën krijohen erëra të forta anësore.
	Rrezik zjarri	Paralajmëron kalimin në një zonë veçanërisht të rrezikshme nga ndezja e papritur e zjarrit.
	Rreziqe të tjera	Paralajmeron një rrezik të ndryshëm nga ata që janë parashikuara në sinjalet e tjerë të rrezikut. Shoqërohet detyrimisht me një panel plotësues me simbol ose një mbishkrim që saktëson natyrën e rrezikut, si për shembull: - kalim mbi shina - zonë që përmbytet - varg mjetesh - kamionë në ngadalësim