Stenografia
Stenografia (nga greq. stenos = i ngushtë, dhe grafin = shkruaj) është një mënyrë shkrimi i shpejtë, me ndihmën e të cilit mund të shkruhet po aq shpejt, sa flitet. Ajo përdor shenja, shkurtime ose simbole për të paraqitur shkronjat, tingujt, fjalët ose fjalitë. Me ndihmën e stenografisë mund të shkruhet 75 % më shpejt se sa me shkrimin e zakonshëm. Një shkrim i shkurtër i shkruar në një copë letër quhet stenogram. Një njeri, që përdor këtë lloj shkrimi, është një stenograf.
Stenografia është përdorur gjerësisht në të kaluarën, para shpikjes së aparateve inçizuese dhe diktuese. Deri në kohët e fundit, stenografia ka qenë pjesë themelore e ushtrimit sekretarial dhe ka qenë shumë e dobishme për gazetarët.