The Vampire Diaries

*The Vampire Diaries*
The Vampire Diaries
Zhanri	Drama; Mbinatyror; Fantazi e errët;
Bazuar në	The Vampire Diaries; nga L. J. Smith
Zhvilluar nga	Kevin Williamson; Julie Plec;
Drejtuesit	Kevin Williamson (sezonet 1–3 & 8); Julie Plec;
Në role kryesore	Nina Dobrev; Paul Wesley; Ian Somerhalder; Steven R. McQueen; Sara Canning; Kat Graham; Candice King; Zach Roerig; Kayla Ewell; Michael Trevino; Matt Davis; Joseph Morgan; Michael Malarkey;
Kompozitori/ja	Michael Suby
Shteti i origjinës	Shtetet e Bashkuara
Gjuha origjinale	Anglisht
Nr. i sezoneve	8
Nr. i episodeve	171
Prodhimi
Producentët ekzekutivë	Kevin Williamson; Julie Plec; Leslie Morgenstein; Bob Levy; Caroline Dries; Melinda Hsu Taylor; Chad Fiveash; James Stoteraux;
Producenti/ja	Julie Plec
Vendet e prodhimit	Atlanta, Georgia; Covington, Georgia; Vancouver, British Columbia (pilot);
Kamera	Michael Karasick; Darren Genet; John Smith; Datan Hopson; Rob C. Givens;
Kohëzgjatja	41–49 minuta
Kompanitë prodhuese	Outerbanks Entertainment; Alloy Entertainment; Bonanza Productions; CBS Television Studios; Warner Bros. Television;
Publikimi origjinal
Rrjeti	The CW
Publikimi	10 shtator 2009 –; 10 mars 2017
Related
	The Vampire Diaries: A Darker Truth; The Originals; The Originals: The Awakening; Legacies;

The Vampire Diaries (shqip. Ditari i Vampirit) është një serial televiziv dramatik mbinatyror për adoleshentë amerikan, i zhvilluar nga Kevin Williamson dhe Julie Plec, bazuar në serinë e librave me të njëjtin emër të shkruar nga L. J. Smith. Seriali u shfaq premierë në The CW më 10 shtator 2009 dhe përfundoi më 10 mars 2017, pasi kishte transmetuar 171 episode gjatë tetë sezoneve.

Sezoni i parë pati mesatarisht 3.60 milionë shikues,^[1] duke u bërë seriali më i shikuar në rrjet përpara se të tejkalohej nga Arrow. Seriali ka marrë shumë nominime për çmime, duke fituar katër People's Choice Awards dhe tridhjetë Teen Choice Awards.

Në prill 2015, aktorja kryesore Nina Dobrev, e cila luajti rolin e Elena Gilbert, konfirmoi se do të largohej nga seriali pas sezonit të gjashtë. Dobrev u kthye për të regjistruar një zë për finalen e sezonit të shtatë dhe u rikthye si yll i ftuar në finalen e serialit.^[2] Në mars 2016, CW e rinovoi serialin për një sezon të tetë, por në korrik të atij viti njoftoi se sezoni i tetë, i përbërë nga 16 episode, do të ishte i fundit i serialit.^[3]

Përmbajtja

Ngjarjet zhvillohen në qytetin fiktiv të Virxhiniës, Mystic Falls, i populluar nga krijesa mbinatyrore. Seriali ndjek jetën e Elena Gilbert, një vajze adoleshente që sapo ka humbur të dy prindërit në një aksident me makinë, ndërsa bie në dashuri me një vampir 162-vjeçar të quajtur Stefan Salvatore, të cilin ajo e mendon se është thjesht një njeri normal. Marrëdhënia e tyre bëhet gjithnjë e më e ndërlikuar ndërsa vëllai misterioz i madh i Stefanit, Damon Salvatore, kthehet në Mystic Falls me një plan për të rikthyer dashurinë e tyre të kaluar, Katherine Pierce, e cila është sozia e Elenës.

Edhe pse Damon fillimisht mban mëri ndaj vëllait të tij që e detyroi të bëhej vampir, ai më vonë pajtohet me Stefanin, por marrëdhënia e tyre sfidohet kur të dy bien në dashuri me Elenën, duke krijuar një trekëndësh dashurie midis të treve. Të dy vëllezërit përpiqen ta mbrojnë Elenën ndërsa përballen me armiq dhe kërcënime të ndryshme për qytetin e tyre, përfshirë Katherine, ndërsa përpiqen të mbrojnë identitetin e tyre si vampirë. Gjatë gjithë serialit, e kaluara e vëllezërve Salvatore dhe historia e qytetit zbulohen ngadalë përmes kujtimeve të mëparshme.

Histori të tjera sillen rreth banorëve të tjerë të qytetit, më të spikaturit janë vëllai i vogël i Elenës, Jeremy Gilbert, dhe tezja Jenna Sommers, shoqet e saj më të mira Bonnie Bennett dhe Caroline Forbes, miqtë e tyre të përbashkët Matt Donovan dhe Tyler Lockwood, motra e madhe e Matt, Vicki Donovan, dhe mësuesi i tyre i historisë dhe gjuetari i vampirëve, Alaric Saltzman. Politika e qytetit drejtohet nga këshilli i themeluesve, i përbërë nga pasardhës të familjeve themeluese: Fells, Forbes, Lockwoods, Gilberts dhe Salvatores. Ata e ruajnë qytetin kryesisht nga vampirët dhe kërcënimet e tjera mbinatyrore, siç janë njerëzit ujq, shtrigat, hibridet (kryqëzime të dy ose më shumë qenieve të ndryshme mbinatyrore) dhe fantazmat.

Transmetimi

Sezonet	Dita/Koha	Fillimi i sezonit	Fundi i sezonit
Sezoni i parë	Enjte 8:00 pm	10 shtator 2009	13 maj 2010
Sezoni i dytë		9 shtator 2010	12 maj 2011
Sezoni i tretë		15 shtator 2011	10 maj 2012
Sezoni i katërt		11 tetor 2012	16 maj 2013
Sezoni i pestë		3 tetor 2013	15 maj 2014
Sezoni i gjashtë		2 tetor 2014	14 maj 2015
Sezoni i shtatë	Enjte 8:00 pm (1–9) Premte 8:00 pm (10–22)	8 tetor 2015	13 maj 2016
Sezoni i tetë	Premte 8:00 pm	21 tetor 2016	10 mars 2017

Referime

↑ "Final 2009–10 Broadcast Primetime Show Average Viewership". TV by the Numbers (në anglisht). 16 qershor 2010. Arkivuar nga origjinali më 19 qershor 2010. Marrë më 16 qershor 2010.
↑ "Was That Really You Know Who In TVD's Season 7 Finale?" (në anglisht). 14 maj 2016.
↑ Goldberg, Lesley (23 korrik 2016). "'Comic-Con: 'The Vampire Diaries' to End With Season 8". The Hollywood Reporter (në anglisht). Marrë më 23 korrik 2016.

Lidhje të jashtme

The Vampire Diaries në Internet Movie Database

[Season1-1] "Final 2009–10 Broadcast Primetime Show Average Viewership". TV by the Numbers (në anglisht). 16 qershor 2010. Arkivuar nga origjinali më 19 qershor 2010. Marrë më 16 qershor 2010.

[eonline.com-2] "Was That Really You Know Who In TVD's Season 7 Finale?" (në anglisht). 14 maj 2016.

[Goldberg-3] Goldberg, Lesley (23 korrik 2016). "'Comic-Con: 'The Vampire Diaries' to End With Season 8". The Hollywood Reporter (në anglisht). Marrë më 23 korrik 2016.

[1]

[2]

[3]