Ura e Velabishtit
| Ura e Velabishtit | |
|---|---|
.svg) Ura e Velabishtit (Earth) | |
| Lloji | Arkitekture |
| Vendndodhja | Berat, Shqipëri |
| Koordinatat | 40°42′52″N 19°59′21″E / 40.714381°N 19.989086°E |
| Emri zyrtar: Monument i trashëgimisë kulturore | |
| Lloji | Nën mbrojtje |
| Kriteret | I |
| Nr. i referencës | GJ001 |
| Tipologjia | Urë |
Ura e Velabishtit është ndërtuar në mesin e shekullit të 18-të nga Ismail Pashë Velabishti, sundimtar i sanxhaqeve të Vlorës dhe Delvinës deri në vitin 1764. Kjo Urë ndodhet prara qytetit të Beratit dhe lidh këtë qytet me zonat përreth. Monumenti i ndërtuar me gurë gëlqerorë ka një arkitekturë simetrike me tre harqe, dy dritare shkarkuese dhe një kurriz në kyçin e qemerit kryesorë. Në qendër të kompozimit ndodhet qemeri me hapësirë drite 11 m, në formë segmenti rrethor. Në bregun e djathtë ndodhet një qemer më i vogël i tipit shigjetë, ndërsa në bregun e majtë një qemer tjetër çerek rrethor
Fillimisht pjesa kaluese e urës ka qenë e pjerrët. Kjo pjerërrësi është zbutur gjatë kohës duke e mbushur kalldrëmin në të dyja pjesët e brigjeve. Në kohën kur funksioni i saj filloi të rritej, dhe nga një urë karvanesh u shndërrua në urë për kalimin e automjeteve, u zmadhua edhe gjerësia e saj. Në gjendjen e sotme ura e Velabishtit është përshtatur për trafik automjetesh të tonazheve të ndryshme, kalimi i shpeshtë i të cilëve ka shkaktuar prishjen e monumentit. Gjendja fizike e urës nuk është e mirë dhe shpesh përdoret nga banorëve e zonës si vend për grumbullimin e mbeturinave.