Urdhri dhe medalja "Për punë të shquar në miniera dhe në gjeologji"

Urdhëri "Për punë të shquar në miniera dhe gjeologji" (Klasi III)

Urdhri dhe Medalja "Për punë të shquar në miniera dhe në gjeologji" u jepet punonjësve të naftës, të minierave të metalurgjisë e të gjeologjisë, punonjësve të aparatit të Ministrisë së Industrisë e të Minierave, ndërmarrjeve, uzinave, fabrikave, institucioneve të kërkimeve, brigadave, grupeve të punonjësve, ekspeditave etj., që dallohen në mënyrë të veçantë për arritje të larta në prodhim e në kërkimet gjeologjike dhe për merita të veçanta organizimi e drejtimi, për zhvillimin e revolucionit tekniko-shkencor, për shfrytëzim të plotë të makinerisë dhe për mirëmbajtjen e pasurisë socialiste.

Urdhri "Për punë të shquar në miniera dhe gjeologji" ka tri klasa: I, II, III.