Banoviqi

Banoviqi (Banovići) është qytezë dhe komunë në verilindje të Bosnjës dhe Hercegovinës si dhe është pjesë e Kantonit të Tuzllës . Zhvillimi intensiv i Banoviqit fillon me ndërtimin e hekurudhës Brčko-Banoviqi në vitin 1946. Për shkak të cilësisë së saj, thëngjilli ngjyrë kafe nga Banoviqi është i njohur në të gjithë Evropën.

Gjeografia

Komuna e Banoviqit është e vendosur në ultësirën e Malit Konjuh. Lartësia e saj mesatare mbi nivelin e detit është 332 metra. Komuna përfshin 185 km² brenda së cilës ndodhen vendbanimet vijuese: Borovac, Banoviqi Selo, Qatiqi, Miliqi, Mrgan, Repnik, Podgorje, Grivice, Treshtenica Donja, Treshtenica Gornja, Tuloviqi, Oskova, Zhelova, Omaziqi, Lozna, Seona, Pribitkoviqi, Strazhbenica dhe Gornji Bučik. Sipas regjistrimit të vitit 1991, ka pasur 26,507 banorë, nga të cilët 72% Boshnjakë, 17% Serbë, 2% Kroatë dhe 9% të tjerë. Sipas disa vlerësimeve, në vitin 2000, popullsia e Banoviqit ishte rreth 29,000, dhe një numër i konsiderueshëm prej tyre ishin refugjatë.

Demografia

Popullsia e komunës Banoviqi
viti i regjistrimit	1971	1981	1991
Boshnjakët	14,409 (70.86%)	16,440 (68.94%)	19,162 (72.06%)
Serbët	4,441 (21.84%)	4,046 (16.96%)	4,514 (16.97%)
Kroatët	919 (4.51%)	728 (3.05%)	550 (2.06%)
Jugosllavët	363 (1.78%)	2,255 (9.45%)	1,928 (7.25%)
të tjerët dhe të panjohur	202 (0.99%)	377 (1.58%)	436 (1.63%)
Gjithsej	20,334	23,846	26,590