Buenos Aires

Buenos Aires Spanjisht : Buenos Aires
— Qytet —
Njohur si	La París de Sudamérica ("Parisi i Amerikës së Jugut")
Pamje nga Buenos Aires
Emblema e Buenos Aires Flamuri i Buenos Aires
Vendndodhja
Buenos Aires
Administrimi
Shteti	Argjentina
Provinca	Qytet Autonom
Kryetari i Bashkisë	Horacio Rodríguez Larreta
Sipërfaqja dhe popullsia
Sipërfaqja	203 km2
Lartësia	25 m (m.n.d.)
Popullsia	(2010) 2.890.150 banorë
Dendësia	14.000 banorë/km2
Të dhëna të tjera
Themelimi	1530
Zona Kohore	UTC+3
Verore	UTC+2
Prefiksi	011
Koordinatat	34° 36′ 12″ Jug 58° 22′ 54″ Perëndim
Faqja Zyrtare www.buenosaires.gob.ar

Buenos Aires është kryeqyteti dhe qyteti më i madh i Argjentinës dhe zona e dytë më e madhe metropolitane në Amerikën e Jugut. Ai ndodhet në bregun perëndimor të grykëderdhjes së Río de la Plata, në bregdetin juglindor të kontinentit.

Qyteti i Buenos Aires nuk është pjesë e Provincës Buenos Aires dhe as kryeqyteti i kësaj province. Ai është një distrikt autonom. Në 1880, pas dekadash lufte politike, Buenos Aires u federalizua dhe u shkëput nga Provinca Buenos Aires. Kufijtë e qytetit u zgjeruan duke përfshirë qytetet Belgrano dhe Flores. Amendamenti kushtetues i vitit 1994 i dha autonominë qytetit dhe emrin e tij zyrtar: Ciudad Autonoma de Buenos Aires (Qyteti Autonom i Buenos Aires). Qytetarët e tij për herë të parë zgjodhën shefin i Qeverisë (dmth kryetarin) në vitin 1996. Më parë kryetari i bashkisë emërohej drejtpërdrejt nga Presidenti i Republikës.

Ekonomia

Buenos Aires është qendra politike, financiare, industriale, tregëtare, dhe kulturore e Argjentinës. Porti e tij është një nga më të mëdhenjtë në Amerikën e Jugut. Lumenj të lundrueshëm lidhin portin me veri-lindjen e Argjentinës, Brazilin, Uruguajin dhe Paraguajin. Si rezultat, ai shërben si qendër e shpërndarjes për një zonë të madhe të rajonit jug-lindor të kontinentit. Mbledhja e taksave që lidhen me portin ka shkaktuar probleme të shumta politike në të kaluarën.

Ekonomia në qytet, e matur sipas Produktit Gjeografik Bruto (përshtatur për fuqinë blerëse), arriti në 84,7 miliard dollarë (34.200 dollarë për frymë) në vitin 2011 dhe përbën gati një të katërtën e Argjentina-së në tërësi. Indeksi i Zhvillimit Njerëzor i Buenos Airesit (0,923 në vitin 1998) është gjithashtu i lartë sipas standardeve ndërkombëtare.

Sektori i shërbimeve të qytetit është i larmishëm dhe i zhvilluar sipas standardeve ndërkombëtare, dhe përfshin 76% të ekonomisë së tij (krahasuar me 59% për të gjithë Argjentinën). Reklamimi, në veçanti, luan një rol të rëndësishëm në eksportin e shërbimeve në vend dhe jashtë vendit. Sektorët e shërbimeve financiare dhe tregut të pronës janë më të mëdhenjtë dhe përbën 31% të ekonomisë së qytetit.

Shiko edhe këtë

• Argjentina

Lidhje të jashtme

• Turizmi në Buenos Aires (anglisht)