Bysheku
Bysheku ndodhet në jug të qytetit të Elbasanit, në luginën e lumit Shkumbin., në fshatin Shushicë të komunës me të njëjtin emër, rreth 4 km larg nga qyteti i Elbasanit. Është një pikë turistike me burime të shumta ujore, ku veçohet një burim karstik, me prurje 70 litra në sekondë që del rrëzë një shkëmbi gjigant[1]. Me rrapet shekullore është një nga pikat historike e turistike më të bukura të Elbasanit dhe një nga vendet më të preferuara tradicionalisht nga elbasanasit. Vendasit e quajnë veten me fat që natyra u ka dhuruar një pasuri kaq të çmuar. Bysheku është një nga fshatrat e përfshirë në projektin zhvillimor “100 fshatrat”[2]
Fshati i Shushicën në të cilën gjendet Bysheku, përmban dhe atraksione të tjera me vlerë turistike, si psh: një degëzim i rrugës së vjetër “Egnatia” që bën lidhjen me fshatin Fushë - Buall. Vende të tjera interesante për tu vizituar janë: Pylli i Zabelit dhe Kisha e Shën Thanasit.
Në ditët e sotme në këtë zonë ka një zhvillim të madh të bujqësisë, vreshtarisë dhe blektorisë.[3]
Historiku.[Redakto | Redakto nëpërmjet kodit]
Bysheku njihet në kronikat turke me emrin Buxurshek (Kronika pa emër e mbajtur gjatë shek. XV). Në regjistrin kadastral të viteve 1431 - 32 të mbajtura nga Perandoria Osmane, në këtë fshat ishin regjistruar 280 shtëpi. Nw shek. XV në Byshek janë zhvilluar dy beteja të rëndësishme kundër pushtuesve Osmanë. Një në dimrin e 1432-1433 midis Gjergj Arianitit dhe ushtrisë Osmane të komanduar nga Ali Bej Evrenozi që përfundoi me një fitore të shqipwtarëve. Kjo fitore bëri bujë, pasi ishte fitorja e parë e një ushtrie ballkanase, pas humbjes së betejës së kualicionit në Fushë Kosovë. Beteja e dytë u bë në prill 1467, midis ushtrisë së Skënderbeut dhe forcave ushtarake të udhëhequra nga sulltan Mehmeti II.
Festa e Byshekut.[Redakto | Redakto nëpërmjet kodit]
E diela e fundit e muajt Gusht festohet në qytetin e Elbasanit. Festa e Byshekut është zhvilluar së fundmi si një rikthim në traditën e hershme të qytetarëve të elbasanit që gjatë muajve të nxehtë të verës shfrytëzonin freskinë e Byshekut për të zhvilluar aktivitet në natyrë si pikniku, etj.
Festa zhvillohet me këngë e valle, ku marrin pjesë muzikantë dhe kërcimtarë nga zona e Elbasanit të cilët performojnë për banorët dhe vizitorët e Byshekut të cilët marrin pjesë në këtë ditë feste. Ushqimet tradicionale janë gjithashtu pjesë e festimeve të kësaj dite, festë e cila vazhdon deri pasdite vonë.
Referime[Redakto | Redakto nëpërmjet kodit]
- ^ Belegu, Kreshnik; Çiftja, Hektor (2012). Elbasani turistik Guidë - Atouristik guide to Elbasan. Tiranë: Shtëpia botuese "Erik". fq. 106. ISBN 978-99956-36-49-4.
- ^ "Byshek – Bashkia Elbasan". elbasani.gov.al. Marrë më 2023-09-25.
{{cite web}}: Mungon ose është bosh parametri|language=(Ndihmë!) - ^ "Byshek – Bashkia Elbasan". elbasani.gov.al. Marrë më 2024-03-24.
{{cite web}}: Mungon ose është bosh parametri|language=(Ndihmë!)