EULEX

Stema e misionit të EULEX-it në Kosovë.

Misioni i Bashkimit Evropian për Sundimin e Ligjit në Kosovë (Anglisht: European Union Rule of Law Mission in Kosovo, EULEX) i njohur si Euleksi Kosovë apo thjeshtë Euleksi është një mision ndërkombëtar i BE-së në Kosovë. EULEX është misioni më i madh civil deri më tani i Politikës Evropiane për Siguri dhe Mbrojtje (ESDP). Synimi kryesor i tij është t’i ndihmojë dhe mbështesë autoritetet kosovare në fushën e sundimit të ligjit, posaçërisht në fushën e policisë, gjyqësisë dhe doganave. Qëllimi i misionit nuk është të sundoj apo të administroj në Kosovë. Ky është një mision teknik i cili do të monitorojë, udhëzojë dhe këshillojë përderisa do të mbajë një numër të kufizuar të kompetencave ekzekutive. EULEX vepron në një kuadër të përgjithshëm të Rezolutës 1244 të Kombeve të Bashkuara dhe ka një zinxhir të njësuar komandues në Bruksel.

Të dhëna

Personeli i përgjithshëm: rreth 3.000 (1.900 ndërkombëtarë, 1.100 vendor)

Buxheti: 205 milion euro për 16 muajt e parë

Shefi i misionit: Yves de Kermabon

Selia kryesore: Prishtinë, Kosovë

Shtetet kontribuuese: të gjitha shtetet e BE-së dhe Norvegjia, Zvicra, Turqia, ShBA-të dhe Kroacia. Mund të bashkëngjiten edhe shtetet e tjera.

Shiko edhe

• BE
• Misioni i Organizatës së Kombeve të Bashkuara në Kosovë
• KFOR
• NATO