Engjell Muhedin Shehu

Engjëll Muhedin Shehu, lindi më 17 mars të vitit 1962 në Bënçë të rrethit Tepelenë, Shqipëri, është agronom, publicist dhe shkrimtar shqiptar.

Biografia

Shkollën e mesme profesionale dega Agronomi “Memo Nexhipi - Dukaj“, Tepelenë e ka kryer në vitet (1977-1981). Në vitin 1983 kreu shkollën policore (1983-1986).

Ka punuar si ekonomist në tregtinë ushqimore Tiranë në vitet (1988-1992). Punoj si gazetar në gazetën “Rilindja demokratike” si dhe operator në televizionin TV Shijak të Tiranës (1997-1999). Si operator i televizionit Shijak dhe si gazetar i Partisë Demokratike te Shqipërisë, më datën 14 shtator 1998 është plagosur nga forcat e rendit para Kryeministrisë Shqiptare, duke filmuar ceremonialin mortor të varrimit të deputetit dhe demokratit Azem Hajdari.

Si rezultat i represionit qeveritar ndaj tij për bindjet politike dhe kërcënimeve djallëzore për likuidim fizik dhe politik, në muajin maj 1999, Engjëlli me familjen e tij emigroi në Belgjikë. Ka shkruar dhe shkruan në shtypin e vendit dhe të huaj shumë shkrime politike e publicistike. Boton vazhdimisht shkrime politike e publicistike si dhe poezi në shumë forume virtuale të internetit. Engjëll Shehu boton gjithashtu poezi ne sitin e tij të internetit. Engjëll Shehu është një figurë e rëndësishme në letërsinë shqiptare, ai ka botuar tre libra me poezi satirike. Engjëll Shehu ka kryer studime ne Belgjikë si : Institutin Elektrik, Institutin Informatik si dhe studimet për Përkthyes (Traducteur-interprète). Aktualisht punon përkthyes Frëngjishte - Shqip dhe Shqip - Frëngjishte në Belgjikë. Ai gëzon një popullaritet të madhe nga të gjithë banoret vendas ku jeton si dhe nga komuniteti Shqiptar ne Belgjikë.

Veprat

• "Zhgënjimi"
• "E mbaj veten si për mbret" - poezi satirike