Etnokoreografi (I) 1965-1979

Etnokoreografi (I) 1965-1979 Autori: Ramazan Bogdani. Botuesi: Toena. Faqet e librit 744.

Vëllimi Etnokoreografi I, përfshin lëndën e pasqyruar në një hapësirë 15- vjeçare (1965-1979). Në të shqyrtohen 34 artikuj të mëvetësishëm, si edhe dhjetëra të tjerë në varësi të tyre për nga problematika, por të veçantë për nga specifika. Në këtë libër gërshetohet problematika e koreografisë popullore me atë të artit të kultivuar.

Gjatë një periudhe 42-vjeçare (1965-2007, duke u përfshirë këtu edhe puna e pandërprerë gjatë daljes në pension pas vitit 2004), autori ka shkruar mbi 300 artikuj shkencorë dhe popullarizues nga fusha e koreografisë popullore shqiptare. Lënda në këtë vëllim vjen nga dy drejtime kryesore: së pari, nga artikuj të botuar më parë; së dyti, nga artikuj që shohin dritën e botimit për herë të parë.

Pas realizimit të 12 vëllimeve:

Të njohim vallet tona (1976),

Folklori koreografik i Hasit (1977),

Në truallin e valles popullore (1978),

Shpirti i popullit në valle (1978),

Gjurmime koreografike (1995),

Vallet e Lunxhërisë (1995),

Letërsi folklorike (1996, me bashkautor A. Xhagolli),

Vallëzimi popullor shqiptar-lirika (1997),

Koreografi & art i kultivuar (1998),

Visare Etnokoreografike (2003),

Etnokoreografi kosovare hasjane (2005)

dhe Identitet kulturor-monografi për Kërçovën,Maqedoni

(në proces botimi, me bashkautor A. Xhagolli), autori paraqitet me Kolanë e Botimeve Etnokoreografike.

Kjo kolanë, që do përmbledhë artikuj të përzgjedhur, të botuar ose jo më parë, çelet me Etnokoreografi I, që shënon edhe botimin e 13-të. Lënda vjen nga fusha e koreografisë popullore. Arti koreografik i kultivuar ka qenë, gjithashtu, objekt i një veprimtarie të gjerë krijuese e botuese.