Kek

Nga Wikipedia, enciklopedia e lirë
Jump to navigation Jump to search

Zbutet gjalpi dhe përzihet mirë me sheqer, rrihet me lugë druri dhe duke vazhduar rrahjen shtohen pak nga pak vezët, pak kripë dhe konjak. Pasi rrihet 10-15 minuta i shtohet rrush i thatë pa fara ose kokrra reçeli të grira; sipas dëshirës mund të shtohen arra ose bajame të grira. Pastaj i shtohet miell që më parë është situr dhe përzier me pak sodë. Zihet brumi, i cili nuk duhet të punohet shumë që të mos bëhet elastik. Brumi hidhet në formë ose në tavë me korrent të lyer me yndyrë dhe të pudrosur me miell. Sipërfaqja e brumit sheshohet dhe piqet për 40-50 minuta. Pasi piqet, ftohet pak, hiqet nga forma dhe lihet të ftohet për disa orë, pritet në copa dhe rregullohet me sheqer pudër. Sipas dëshirës gjysma e brumit mund të përzihet me kakao dhe si aromë t'i hidhet lëkurë limoni ose portokalli.

Për një kek 600 g duhen :

  • miell : 3 gota uji,
  • sheqer : 1 gotë e gjysmë uji plot,
  • rrush i thatë ose kokrra reçeli : 1 filxhan kafeje,
  • gjalpë : 1-2 filxhanë kafeje,
  • vezë : 3 kokrra,
  • kripë e sodë : 1 majë lugë kafeje,
  • konjak : 1 lugë gjelle,
  • sheqer pudër : 1 lugë gjelle.