Kisha-Xhami e Ulqinit

Nga Wikipedia, enciklopedia e lirë
Jump to navigation Jump to search
Kishë-Xhamia, pas saj Kulla e Balshajve.

Kishë-Xhamia e Ulqinit është ndërtesë e cila është ndërtuar fillimisht si kishë dhe pastaj e kthyer në xhami. Sot, shërben si vendi ku është i vendosur reparti arkeologjik i Muzeut të Ulqinit.

Historia[Redakto | Redakto nëpërmjet kodit]

Gjatë sundimit të Venedikasve, në Kala më 1510 u ndërtua një kishë katolike, e quajtur Kisha e Shën Mërisë, e cila pas rënies së Ulqinit nën Perandorinë Osmane u shëndrrua në Xhaminë e Sulltan Selimit II. Ishte ajo e ashtuquajtur Xhamia e Mbretit, sepse nuk kishte vakëf nga ku sigurohej ekzistenca e saj, por shërbyesit e saj paguheshin nga buxheti i perandorisë. Haxhi Halil Skura më 1693 ndërtoi minaren prej gurit të latuar, në pjesën e poshtme në një bazament katror, e që ngushtohet kah pjesa e sipërme. Funksionin e vet fetar kjo xhami e ndërpreu më 1878, gjegjësisht prej pushtimit të parë të Ulqinit nga Principata e Malit të Zi. Pjesa e sipërme e minarëse u shkatërrua në vitin 1937. Në kuadër të këtij objekti fetar ka ekzistuar edhe mejtepi.[1][2]

Referimet[Redakto | Redakto nëpërmjet kodit]

  1. ^ Vojvoda Simo Popović, Memoari, Podgorica 1995, 398-399
  2. ^ Dragana Kujović, Tragovima orijentalno-islamskog kulturnog nasljeđa u Crnoj Gori,Podgorica 2006, 21-22.