Jump to content

Klodiana Shala

Nga Wikipedia, enciklopedia e lirë
Klodiana Shala
U lind në (1979-08-22) 22 gusht 1979 (44 vjeç)
Tiranë
KombësiaShqiptare
ArsimiMësuesi në atletikë
ProfesioniAtlete
Vite aktiviteti1997 - 2012
Njohur përPjesëmarrëse në 4 Lojëra Olimpike
Flamurmbajtëse për Shqipërinë në Athinë 2004
Gjatësia1.68 m (5 ft 6 in)
ÇmimetMjeshtër i Madh

Klodiana Shala (e lindur më 22 gusht 1979, Tiranë, Shqipëri) është një atlete shqiptare e njohur për arritjet e saj në garat e shpejtësisë, duke mbajtur ende rekordet në kategoritë 60m, 100m, 200m, 400m dhe 400m me pengesa. Ajo kualifikoi Shqipërinë për herë të parë në historinë e atletikës në finalen e një kampionati evropian në Gothenburg 2006.[1]

Në një karrierë që shtrihet për afro dy dekada, Shala ka fituar titullin e kampiones kombëtare 16 herë, titullin Mjeshtër i Madh, mbi 200 medalje kombëtare dhe mbi 50 medalje ndërkombëtare. Ajo është e vetmja sportiste nga Shqipëria që ka marrë pjesë në katër Lojëra Olimpike, duke shërbyer dhe si flamurmbajtëse për Shqipërinë në vitin 2004.

E njohur ndërkombëtarisht, Shala është vlerësuar nga Federata Ndërkombëtare e Atletikës (IAAF) si një nga 100 atletet më të talentuara në skenën globale.

Karriera sportive[Redakto | Redakto nëpërmjet kodit]

Aktiviteti sportiv i Klodiana Shalës nisi që në shkollën fillore ku mori pjesë dhe fitoi disa gara atletike në Spartakiadat Kombëtare mes shkollave. Që 14 vjeç, ajo u klasifikua në kategorinë e të rriturve dhe Komiteti Olimpik e shpërbleu me bursë olimpike si një ndër 10 atletet më të mira nga vendet në zhvillim.[2][3]

Në vitin 1997 Klodiana Shala u shpall për herë të parë kampione kombëtare e atletikës, një titull që do ta mbante për 16 vjet rresht duke fituar gara në disiplina të ndryshme në nivel kombëtar deri në vitin 2012. Gjatë kësaj periudhe arriti të vendoste 7 rekorde, 5 prej të cilave vazhdojnë ede të jenë aktuale.

Në nivel ndërkombëtar, Shala pati fitoren e parë të rëndësishme në Selanik të Greqisë ku u shpall kampione e ballkanit në garën për 800 metra ne kategorinë e të rriturve teksa vetë ishte në moshën 13 vjeçare. Në vitin 2006, në Gotheborg, arriti të kualifikonte për herë të parë Shqipërinë në një finale të Kampionatit Evropian.[1] 6 vjet më parë kishte realizuar pjesëmarrjen e saj të parë në Lojërat Olimpike, pjesë e të cilave do të ishte për 4 organizime radhazi, respektivisht në Sidnej 2000, Athinë 2004, Pekin 2008 (ku ishte dhe flamurmbajtëse për Shqipërinë) dhe Londër 2012.

Pas një karriere gati 20 vjeçare në fushën e atletikës, me medalje dhe rekorde kombëtare e ndërkombëtare, pjesëmarrja në Lojërat Olimpike të Londrës 2012 shënoi dhe tërheqjen nga sporti për Shalën pasi u detyrua të bëjë një ndërhyrje në shtyllën kurrizore gjatë zhvillimit të tyre.[2][4]

Në vitin 2016, Klodiana Shala u dekorua nga Presidenti me titullin "Mjeshtër i Madh" për sukseset sportive në karrierën e saj.[5]

Arritjet e vlerësimet[Redakto | Redakto nëpërmjet kodit]

Rekorde Kombëtare në salla të mbyllura
Disiplina Rezultati Viti Aktiviteti
60m 7.65 sek 2003 Kampionati Kombëtar, Tiranë
200m 25.29 sek 2001 Kampionati Ballkanik, Athinë
400m 53.34 sek 2005 Kampionati Ballkanik, Athinë
Rekorde Kombëtare në salla të hapura
Disiplina Rezultati Viti Aktiviteti
100m 11.67 sek 2005 Kampionati Kombëtar, Tiranë
200m 23.27 sek 2012 Takim Ndërkombëtar, Ohër
400m 52.86 sek 2008 Kampionati Europian, Gotheborg
400m/p 56.48 sek 2005 Lojrat Mesdhetare, Almeria
Medalje
Aktiviteti Medalje ari Medalje argjendi Medalje bronxi
Liga Evropiane 7 5 3
Kampionate Ballkanike 3 7 2
Takime Ndërkombëtare 6 2 3

Shpallur atletja më e mirë shqiptare në vitet

  • 2000
  • 2001
  • 2002
  • 2004
  • 2005
  • 2006
  • 2008
  • 2009
  • 2010
  • 2012

Në vitin 2016 dekorohet nga presidenti Bujar Nishani me titullin "Mjeshtër i Madh" me motivacionin "Për veprimtarinë e shquar dhe rezultatet e shkëlqyera të arritura si sportiste e nivelit të lartë në atletikë, gjatë veprimtarive kombëtare dhe ndërkombëtare, duke e renditur Shqipërinë në majat më të larta të sportit".[5]

Pjesëmarrjet[Redakto | Redakto nëpërmjet kodit]

Lojëra Olimpike

  • Sidnej 2000
  • Athinë 2004 (Flamurmbajtëse për Shqipërinë)
  • Pekin 2008
  • Londër 2012

Kampionate Botërore

  • Edmonton Kanada, 2001
  • Birmingam Angli, 2003
  • Budapest Hungari, 2004
  • Moskë Rusi, 2006
  • Doha Katar, 2010

Kampionate Evropiane

  • Gotheborg 2006 (Kualifikimi i parë i Shqipërisë në një finale të Kampionatit Evropian)
  • Torino 2008

Lojra Mesdhetare

  • Bari 1997
  • Tuni 2001
  • Almeria 2005
  • Almeria 2005 (Medalje e Argjendtë në 400m)
  • Almeria 2005 (Vendi IV në 400m me pengesa)

Jeta personale[Redakto | Redakto nëpërmjet kodit]

Klodiana Shala është diplomuar në Akademinë e Edukimit Fizik dhe Sporteve "Vojo Kushi" për mësuesi në atletikë dhe gjithashtu ka mbrojtur masterin për menaxhim biznesi te Universiteti Mesdhetar.[6]

Në periudhën 2011-2020, shërbeu si pedagoge në një seri unversitetesh duke përfshirë Universitetin e Tiranës, Marin Barleti dhe UET, ku edhe hapi për herë të parë degën e Sporteve.

Klodiana Shala është trajnere e licensuar për Përgatitje Fizike nga Federata Shqiptare e Futbollit.

Shiko edhe[Redakto | Redakto nëpërmjet kodit]

Shënime[Redakto | Redakto nëpërmjet kodit]

  1. ^ a b Report TV 2023, 7:40.
  2. ^ a b Mes lotësh, Klodiana Shala rrefen operacionin e veshtire qe i kushtoi karrieren ne sport (emision). Tiranë: ABC News Albania. 18 nëntor 2023. Marrë më 21 shkurt 2024.
  3. ^ Report TV 2023, 10:45.
  4. ^ Report TV 2023, 28:55.
  5. ^ a b "Klodiana Shala, mijëra kilometër për të arritur deri këtu". Class. Tiranë. 14 korrik 2016. Marrë më 21 shkurt 2024.
  6. ^ Report TV 2023, 16:40.

Referime[Redakto | Redakto nëpërmjet kodit]

Klodiana Shala: Si e përjetova lajmin e mjekëve për të braktisur sportin në kulmin e karrierës (emision). Report TV. 7 shkurt 2023. Marrë më 21 shkurt 2024 – nëpërmjet YouTube.

Lidhje të jashtme[Redakto | Redakto nëpërmjet kodit]