Monika Shoshori Stafa

Monika Shoshori Stafa, gazetare dhe kërkuese. Studimet e shkallës së masterit i kreu në Universitetin e Tiranës, për historinë politike bashkëkohore të shtetit shqiptar (2007). Formimin e saj e plotësoi me studime të shkallës postmaster në Shkollën Politike Europiane (2008). Së afërmi paraqet për mbrojtje tezën e doktoraturës në shkollën e studimeve doktorale të Qendrës së Studimeve Albanologjike me titull "Hebrenjtë në Shqipëri 1933 – 1944: me një vështrim prapavajtës dhe me një shqyrtim kontekstual".

Është autore e më shumë se 50 dokumentarëve të transmetuar, fituese e disa projekteve dhe konkurrimeve të organizatave ndërkombëtare të përfaqësuara në Tiranë (UNDP, UNICEF, UNIFEM, World Bank, British Council) dhe e ftuar prej tyre si këshilltare eksperte në fushën e mediave.

Ka botuar librat "Çështja e Shën Naumit", "Monarkia kundër Republikës". Është autore e disa qindra artikujve, analizave, reportazheve e përshkrimeve të botuar në shtyp brenda dhe jashtë vendit.