Partite politike

Nga Wikipedia, enciklopedia e lirë
Shko te: navigacion, kërko

PARTITË POLITIKE[redakto | redakto tekstin burimor]

Në një shoqëri veprimi i partisë ka kuptim vetëm nëse brenda saj ka më shumë parti,përkatësisht zbatohet pluralizmi politik. Fjala parti rrjedh prej fjalës latine pars që dmth pjesë. Nëse në një shoqëri një parti ka monopol për të formuar vullnetin politik, nuk mund të bëhet fjalë për raporte konkurruese. Atëherë në shoqëri funksionon sistemi njëpartiak. Një parti qeverisë dhe për të kontrolluar tërë sistemet brenda shoqërisë domosdoshmërisht përdor mjete dhe metoda jodemokratike.

Të shumtën e herave në një vend, pavarësisht se ka më shumë parti, dy parti janë më të rëndësishme ( SHBA: Partia Republikane dhe Partia Demokratike, GJERMANI: Partia e Unionit Demokristian dhe Partia Socialdemokrate, BRITANI E MADHE: Partia Laburiste dhe Partia Konzervatore etj.)

Ç'është Partia?[redakto | redakto tekstin burimor]

Partia paraqet një grup të bashkëmendimtarëve, qëllimi i të cilëve është realizimi i programit të përbashkët. Partitë janë lidhje e lirë e bashkëmendimtarëve, të cilët krijojnë propozimet programore për zgjidhjen e problemeve dhe kandidojnë anëtarët e saj për mandatet e parlamentit dhe administratës shtetërore, që pas suksesit në zgjedhje ne ato institucione të realizojnë programet e tyre. Një përkufizim tjetër, partitë i përcakton si lidhje të qytetarëve, të cilët në kohë të shkurtër apo të gjatë veprojnë në krijimin e vullnetit politik dhe dëshirojnë të përfaqësojnë popullin përmes madhësisë dhe organizimit të fuqishëm, pastaj paraqiten në opinion dhe ofrojnë mjete dhe rrugë për realizimin e qëllimeve programore.


Llojet e Partive[redakto | redakto tekstin burimor]

Mbështetur në organizimin e tyre, partitë ndahen në parti të kuadrove dhe parti masive. Partitë në bazë të qëllimeve politike dhe shoqërore politikendahen dhe veprojnë për të realizuar programet e tyre. Klasifikimi duke pasur për bazë drejtimet ideologjike dallon këta tipa partish: Parti Nacionaliste, Konservatore, Liberale, Socialdemokrate dhe Komunise, Popullore dhe të Interesit.


Referencat[redakto | redakto tekstin burimor]

  • Sociologjia XI (për gjimnaze). LSH, Prishtinë, 2004.