Petrika Riza

Nga Wikipedia, enciklopedia e lirë
Jump to navigation Jump to search
Petrika Riza.JPG

Petrika Riza (Korça, 1 qershor 1947), është një aktor shqiptar i famshëm. Fillon jetën e tij profesionale që në moshë të re, në vitin 1964, duke u aktivizuar në trupën amatore të Teatrit të Korçës. Më pas do të bëhet aktor profesionist në Teatrin “Andon Z. Çajupi” të po këtij qyteti. Të shumta janë rolet e tij si në Teatër ashtu edhe në Kinematografi. Interpretimi i tij i parë në kinematografi do të jetë në rolin e brigadierit të repartit të saldatorëve në filmin "Montatorja", në vitin 1970. Më tej do të vazhdonin më se 20 interpretime në filma artistikë dhe televizivë. Në vitin 2007, në spektaklin e titulluar "Protagonist 2007", të organizuar nga Bashkia Korçë, për të vlerësuar artistët më të mirë, personalitetet më të spikatura në sferat e ndryshme të artit, atij figurativ, muzikës, skenës dhe të interpretimit të artit korçar, do t’i jepet Çmimi “ Aktori më i mirë”.