Portal:Medicinë/Medicinë Lajme/Mjekët shqiptarë zëvëndësojnë aortën kryesore

Nga Wikipedia, enciklopedia e lirë

Kardiokirurgët shqiptarë kanë shënuar një sukses. Ata kanë arritur të kryejnë një operacion në zemër për të zëvëndësuar aortën kryesore. Dy kirurgë amerikanë kanë asistuar në operacionet e kirurgëve shqiptarë për rreth dy javë. Sipas mjekeve tanë, ky operacion nuk kryhet ende në disa vende të Evropës. Ndërhyrja e vështirë është realizuar në repartin e kardiologjisë në Qendrën Spitalore Universitare. Sipas mjekëve, ky operacion ka të bëjë me aortën asendente dhe zëvëndësimin e tubit kryesor. Ndërkohë pacienti ku u krye kjo ndërhyrje është jashtë rrezikut për jetën. Operacioni kërkoi impenjimin e plotë të mjekëve, si dhe asistencën e ekspertëve amerikanë.