Sass (gjuhë për fletë-stili)

Nga Wikipedia, enciklopedia e lirë
Jump to navigation Jump to search

Sass (Syntactically Awesome Stylesheets) është gjuhë skriptuese e dizajnuar fillimisht nga Hampton Catlin dhe e zhvilluar nga Natalie Weizenbaum.[1][2] Pas versioneve fillestare, Weizenbaum dhe Chris Eppstein vazhduan të zgjerojnë Sass me SassScript, një gjuhë e thjeshtë skriptuese, e shfrytëzuar në skeda të Sass.

Sass është gjuhë skriptuese (scripting language) që përkthehet në Fletët e Shkallëzuara të Stilit (CSS). SassScript është vet gjuha skriptuese. Sass përbëhet nga dy sintaksa. Sintaksa origjinale, e quajtur "sintaksa e prerë" shfrytëzon sintaksë të ngjashme me  Haml.[3] Ajo shfrytëzon prerje për të ndarë blloqet e kodit dhe simbolin e rreshtit të ri për të ndarë rregullat. Sintaksa më e re "SCSS", shfrytëzon formatizimin në blloqe, sikurse ai në CSS. Ajo shfrytëzon kllapat e mëdha për të shënjuar bllokun e kodit dhe pikpresjet për të ndarë rreshtat në blloqe. Tradicionalisht, skedave të sintaksës së prerë dhe SCSS u jepen prapashtesat .sass dhe.scss, respektivisht.

CSS3 përbëhet nga një seri e përzgjedhësve dhe pseudo-përzgjedhësve, të cilët grupojnë rregullat që vlejnë për to. Sass[4] (në kontekstin më të gjerë të të dy sintaksave) zgjeron CSS duke e pajisur me disa mekanizma me të cilët dispononin disa gjuhë programuese më tradicionale, veçanërisht gjuhët e orientuara në objekte, të cilat nuk janë në dispozicion tek vet CSS3. Blloqe të rregullave të CSS krijohen pasi që të përkthehet SassScript në CSS. Rrjedhimisht, Sass mund të vëzhgojë skedat .sass apo .scss dhe t'i përkthejë në një skedë .css, sa herë që skeda .sass apo .scss ruhet.[5] Sass është thjesht sheqer sintaktik për CSS.

Implementimi zyrtar i Sass është open-source dhe i koduar në Ruby; megjithatë, ekzistojnë edhe implementime tjera, duke përfshirë PHP dhe implementimi me performancë të lartë në C, i quajtur libSass.[6][7] Ekziston edhe implementimi në Java, i quajtur JSass.[8] Përveç kësaj, edhe Vaadin ka implementimin e Saas në Java.[9] Sintaksa e prerë meta-gjuhë. SCSS është një meta-gjuhë e grumbulluar, pasi që një CSS i vlefshëm është edhe SCSS i vlevshëm me të njejtën semantikë. Sass përkrahë integrimin me zgjerimin për Firefox, Firebug.[10]

SassScript ofron mekanizmat vijues: ndryshoretgrumbullimin, përzierësitë (mixins) dhe trashëgiminë e përzgjedhësve.[3]

Ndryshoret[redakto | përpunoni burim]

Sass lejon përcaktimin e ndryshoreve. Emërtimi i ndryshoreve fillon me shenjën e dollarit ($). Caktimi i vlerës së ndryshoreve bëhet nëpërmjet dy pikëve(:).[10]

SassScript përkrahë katër llojet të të dhënave:[10]

  • Numrat (duke përfshirë edhe njësitë)
  •  Vargjet (Strings) (me apo pa thonjëza)
  •  Ngjyrat (emri, apo emrat)
  • Booleans

References[redakto | përpunoni burim]