Shëngjergji (Tiranë)

Ky artikull është rreth Shih: Shëngjergji (kthjellim).. Për përdorime të tjera, shiko Shëngjergji (Tiranë) (kthjellim).

Shëngjergji

Shëngjergji është një fshat në komunën Shëngjergj në rrethin e Tiranës të Shqipërisë. Ndodhet 35 km në lindje të Tiranës.

Historia

Shëngjergji ndodhet në defterin osman të vitit 1467 si vendbanim në timarin e Jusufit të konvertuarit mysliman, që i përket rajonit më të gjerë të Tamadheas në vilajetin e Çermeniçës. Fshati kishte gjithsej 12 familje të cilat përfaqësoheshin nga kryefamiljarët: Ishri Somruni, Mihal Uraji (mundësisht Vraji), Petër Mirali, Nikolla Goranzi, Petër Pirati, Nikolla Korriku, Mekshe Lleshi (ndoshta Leshi), Andrije Uraji. , Shar Bogdani, Gjon Bureshi, Ilia Qinami dhe Petër Gurabardi.

Demografia

Shengjergji ndodhet në lindje të Tiranës rreth 40 km larg. Shengjergji ka një reliev malor ku kuota më e ulët është shtrati i lumit Erzen dhe kuota më e lartë është Mali me Gropa". Mendohet që krahina në shekujt XII-XIV të jetë quajtur “Tomadhe” ose “Tame-Dea”- “Hyjneshë e burimit të ujit”. Në historinë e kësaj krahine ka luajtur rol të madh pozita e saj gjeografike, ku rrugëkalimet e rëndësishme, si hyrje-dalje, janë shfrytëzuar edhe nga pushtuesit gjatë shekujve.

Skënderbeu e ka pasur zonë të mbrojtjes dhe të veprimeve të tij luftarake, ai ka lëvizur shpesh atyre anëve, sidomos gjatë vitit 1443, në mbështetje të Vladan Arianitit, me motrën e të cilit, Donikën, ishte martuar. Më 1572 kjo zonë ishte qendra e kryengritjes kundër Krujës që mbahej nga otomanët. Pas viteve 1600, është quajtur “Shëngjergj” dhe ky emër u bë zyrtar pas vitit 1900, si shekull pa Perandorinë Osmane. Gjatë Luftës II Botërore në nëntor 1943 në Shëngjergj qëndroi Shtabi i Përgjithshëm i Ushtrisë Nacionalçlirimtare dhe u formua Brigada II partizane. Gjithashtu gjatë kësaj periudhe kanë funksionuar në këtë zonë 4 spitale për të plagosurit e luftës, kurse fusha e Bizës u përdor si bazë parashutimi nga aleatët për furnizime.