Shelegar

Shelegar

Shelegar është një fshat në komunën Sarandë në rrethin e Sarandës të Shqipërisë.

Gjeografia

Nga veriu fshati Shelegar kufizohet me Bregasin, nga jugu me Metoqin, nga lindja me Vrionin dhe nga perëndimi me qytetin Sarandën. Emrin Shelegar ky fshat e ka marrë nga që vendi aty i rrit shumë shelegët.

Toponimet të fshatit Shelegar:

• Arape - ara, në L. sot i ka marrë në pronësim fshati Vrion.
• Arat e Banatëve - ara të fisit të banatëve, në P.
• Arat e Tushenje - ara të fisit të tushenje, në P.
• Arr’ e Jahlës - arë e madhe në qendër.
• Burim i Dinit – burim, në L.
• Fiku i Habibit - kodër e ara, në J.
• Fiqt e Çeçit - vend grykë afër qendrës.
• Fiqt e Jahlës - ara, në L. Ishin pronë e Jahos, kur vdiq i trashëgoi e shoqja Jahëla.
• Grik e Çukarenje - vend grykë, në qendër.
• Lum i Kalasës - lumi që vjen nga fshati i Kalasës, në P.
• Llakbardhë/a - kodër e ara, në V.
• Psakareja - kodër e pyllëzuar me sfaka, në L.
• Tunel i Zakos - vend grykë, në P.
• Ura e Gajdarit - urë e vjetër me tre harqe, në J.
• Vaja e Çukarenje - va lumi, në V.

Demografia

Fshati u krijua nga refugjatët çame nga Greqia, të cilët formojnë pjesën më të madhe të popullsisë me 2 familje toske nga fshati Podgoran, Përmet dhe disa labe.

Familjet në fshatin Shelegar:

Benenj nga (Karbunarë e Paramithisë), Bedulenj (nga Lopësi i Filatit), Çukarenj (nga Margëlliçi-Çamëri), Hysi (nga Krasi i Tepelenës), Laskaj (nga Podgorani i Përmetit), Metalenj (nga Karbunarë e P.), Tushenj (nga Karbunarë e P.), Xhelili (nga Podgorani-Përmet).

Burimet

Ky artikull me tematikë në lidhje me gjeografinë e Shqipërisë është një faqe cung. Ju mund të ndihmoni Wikipedia-n duke e përmirësuar atë.