Shtëpia e lindjes së Enver Hoxhës

Nga Wikipedia, enciklopedia e lirë
Jump to navigation Jump to search
Shtëpia e Enver Hoxhës, sot Muzeu Etnografik i Gjirokastrës

Shtëpia e lindjes se diktatorit komunist Enver Hoxha ndodhet në qytetin e Gjirokastrës. Sot kjo shtëpi është kthyer në Muze Etnografik. Shtëpia një godinë 3-katëshe e vendosur në lagjen "Palorto" daton qysh në shekullin e XIX-të. E ndërtuar gati një shekull më parë, në vitin 1913, kur Hoxha ishte 5 vjeç digjet aksidentalisht dhe në vend të saj për gati 54 vjet deri më 1967 mbetën gërmadhat. Nga ky incident fatal shpëtuan vetëm një qilim, një jorgan dhe një palë çorape, të cilat më vonë nga familja Hoxha iu dhuruan muzeut të qytetit. Gjatë rindërtimit të shtëpisë nga shteti në vitin 1967, u grumbulluan në të, të gjitha karakteristikat më të mira të një shtëpie tipike gjirokastrite, duke filluar që nga tavanet, sergjenët, dollapët në mur, papafingot etj.

Pas rindërtimit ajo kthehet në muzeun e luftës nacionalçlirimtare për qarkun e Gjirokastrës, status të cilin e mbajti deri në vitin 1991. Përveç armëve në këtë banesë kanë qenë të reklamuara edhe sende personale që familja Hoxha i kishte dhuruar. Ka qenë një ndër 7 muzetë e Gjirokastrës si dhe ndër më të frekuentuarit nga vizitorët. Në vitin 1997 një sasi eksplozivi e dëmton pjesërisht atë dhe vetëm pas shumë kohësh ajo u rikonstruktua, duke u kthyer në muze etnografik dhe vazhdon të funksionojë si i tillë deri më sot.

Lidhje të jashtme[Redakto | Redakto nëpërmjet kodit]

 Commons: Shtëpia e Enver Hoxhës në Gjirokastër – Album me fotografi dhe/apo video dhe materiale multimediale