Stebleva

Stebleva është një fshat që bën pjesë në rrethin e Librazhdit.

Stebleva shtrihet në një lartësi rreth 1200 m mbi nivelin e detit. Ka klime shumë të mirë me ajër të pastër dhe me ujë të kulluar, që del nga burime të shumta natyrore. Pyjet dhe livadhet shumëngjyrëshe mbulojnë territorin e Steblevës që kufizohet me shumë fshatra të tjerë brenda dhe jashtë kufirit.

Stebleva është perlë e vërtete për bukuritë e rralla natyrore që ka. Ajo është shumë e përshtatshme për turizëm, pasi verës ka lulëzim të plotë, ndërsa dimrit mbulohet me borë, pra është e përshtatshme për turizmin e bardhe dhe sportin e skive. Shumë steblevas, tashme biznesmen kanë ndërtuar shtëpi ku qëndrojnë për pushime.

Historiku i shkurtër

Fshati fillimisht ishte në Orvenike ose Uraniku që përmendet në histori si bazë e luftës për ushtrinë e Skënderbeut. Fshati ka qenë shumë i vjetër dhe nuk dihet së kur është krijuar. Fshati ishte në pozicion shumë të mirë, por kishte një burim uji. Gradualisht njerëzit filluan të largohen në një vend tjetër jo shumë larg, por që kishte ujë të bollshëm si për njerëzit ashtu edhe për bagetite.

Fshati ka pasur tradita të shumta dhe njerëzit kanë pasur virtyte të larta.

Steblevasit kanë pasur shumë unitet midis tyre, ndaj kanë arritur të mos lejojnë cenimin e tokave të shumta, që nga sipërfaqja ia kalojnë te gjitha fshatrave të tjera përreth. Steblevasit janë shquar për tregti në çdo kohë. Qe para vitit 1900, sic tregonin pleqtë e vjetër.

Steblevasit kanë pasur dyqane

• Në Elbasan : Kormakajt, Gjinajt, Lamajt, Amdiajt, etj.
• Në Kavaje : Murat Lama nga Stebleva ka qenë më i miri për prodhimin e byreqeve dhe ka këngën "O usta Murat" që këndohet edhe sot.
• Në Tiranë : Kucukajt, Kurtajt, etj.
• Në Durrës : Dan Agushi, Ibrahim Avda, etj.
• Në Strugë si dhe në Oher, Shkup e ne disa qytete te tjera : më të dëgjuarit janë në Stamboll që janë edhe sot e kËsaj ditë tregtare të mëdhenj.

Tani në Tiranë janë të dëgjuar shumë tregtare nga Stebleva. Steblevasit janë marrë e merrën edhe me ndërtim si dhe janë të interesuar për dije. Gati çdo familje ka nga një ose më shumë pjesëtar me arsim të lartë. Disa prej tyre janë pedagoge në Tiranë. Fshati ku tradita kulturore e artistike që janë trashëguar brez pas brezi.

Natyra, njerëzit e bëjnë Steblevën shumë të dashur për vizitorët.

Ky artikull me tematikë në lidhje me gjeografinë e Shqipërisë është një faqe cung. Ju mund të ndihmoni Wikipedia-n duke e përmirësuar atë.