Trahana me qumësht e gjalpë

Për trahana duhet miell i cilësisë së parë me përmbajtje të lartë gluteni.

Sitet mielli, hapet një gropë në mes dhe hidhet gjalpë i shkrirë pak (jo i djegur, tretur), qumësht dhe kripë. Duke filluar nga mesi e përziejmë brumin duke mos e gatuar shumë por të përzihet aq sa të mos pijë krejt miellin, brumë i fortë dhe i shkrifët. Sipër e spërkatim me miell, e mbulojmë dhe e lëmë të vijë për 2-3 ditë. Pastaj e hapim copa - copa në çarçafë të pastër, e lëmë të thahet pak dhe e shkoqim me dorë, e kalojmë në sitë të rrallë e thajmë përsëri dhe e vendosim në qeska prej pëlhure (beze) jo plastmasi. Ruhet në vende të thata pa lagështirë e të freskëta.

Për 1 kg miell duhen :

• 2 gota qumësht,
• gjalpë 2 lugë gjelle (100 g),
• 1 lugë gjelle kripë.