Izniku
İznik | |
|---|---|
 | |
| Shteti |  Turqia |
| Provinca | Bursa |
| Qeveria | |
| • Kryetari | Osman Sargın (AKP) |
| • Kajmekami | Hüseyin Karameşe |
| Sipërfaqja | |
| • Distrikti | 736,51 km2 (28,437 sq mi) |
| Popullsia (2012) | |
| • Popullsia urbane | 22.507 |
| • Distrikti | 43.425 |
| • Dendësia (Distrikti) | 59/km2 (150/sq mi) |
| Kodi postar | 16860 |
| Faqja zyrtare | www.iznik.bel.tr |
Izniku (turqisht: İznik) është një qytezë dhe një qark administrativ në Provincën Bursa, Turqi. Historikisht njihej si Nikea (greqisht: Νίκαια Níkaia), nga e cila rrjedh edhe emri i saj modern. Qyteti shtrihet në një pellg pjellor në skajin lindor të liqenit İznik, i kufizuar nga vargmalet e kodrave në veri dhe jug. Qyteti është vetëm 90 kilometra në juglindje të Stambollit, por me rrugë është 200 km rreth Gjirit të Izmit. Është 80 km me rrugë nga Bursa.
Qyteti ndodhet me murin e tij perëndimor që ngrihet nga vetë liqeni, duke siguruar njëkohësisht mbrojtje nga rrethimi nga ai drejtim, si dhe një burim furnizimesh që do të ishte e vështirë të ndërpriteshin. Liqeni është mjaft i madh saqë nuk mund të bllokohet lehtësisht nga toka dhe qyteti ishte mjaft i madh për ta bërë shumë të vështirë çdo përpjekje për të arritur në port nga armët e rrethimit të bazuara në breg.
Qyteti ishte i rrethuar nga të gjitha anët nga 5 km mure rreth 10 m të larta. Këto nga ana tjetër ishin të rrethuara nga një hendek i dyfishtë në pjesët e tokës, dhe gjithashtu përfshinin mbi 100 kulla në vende të ndryshme. Portat e mëdha në tre anët e mureve të lidhura me tokën siguronin hyrjen e vetme në qytet.
Sot muret janë shpuar në shumë vende për rrugë, por shumë nga veprat e hershme mbijetojnë dhe si rrjedhojë është një destinacion turistik. Qyteti ka një popullsi prej rreth 15,000. Ka qenë qendër e qarkut të provincës Bursa që nga viti 1930. Ishte në rrethin e Koxhaelit midis 1923 dhe 1927 dhe ishte një qytezë e rrethit Yenişehir (i lidhur me Bilecik para vitit 1926) midis 1927 dhe 1930.
Qyteti ishte një prodhues i rëndësishëm i enëve dhe pllakave të dekoruara shumë në shekujt 16 dhe 17.
Këshilli i Parë i Nikesë ishte një këshill peshkopësh të krishterë i mbledhur në qytetin bitinian të Nikesë (tani İznik, Turqi) nga perandori romak Kostandini I në vitin 325 p.e.r. (shih Besojma e Nikesë).