Akademia e Sigurisë është një institucion publik në Shqipëri që synon edukimin e punonjësve të Policisë së Shtetit dhe agjencive të tjera ligjzbatuese. Ajo ofron programe për trajnime dhe kualifikime në nivelin e Shkollës Bazë të Policisë si dhe program Bachelor në Siguri dhe Hetim për oficerët e policisë. Mësimi teorik-praktik i këtij programi zgjat 3 vite akademike dhe studentët përfitojnë deri në 180 kredite (ECTS). Ata që diplomohen, marrin diplomën Bachelor në Siguri dhe Hetim për punonjës të policisë së nivelit menaxhues ose, oficerë të policisë. [1][2]
