Amik Kasoruho

Nga Wikipedia, enciklopedia e lirë
Jump to navigation Jump to search
Amik Kasoruho
Amik Kasoruho
Lindi në: Tiranë, Shqipëri
Kombësia: Shqiptar
Profesioni: Shkrimtar
Zhanri: Romane, Publicistikë, Përkthime

Amik Kasoruho (Tiranë, 20 Nëntor 1932 – Tiranë, 4 Maj 2014)[1]. Shkrimtar dhe përkthyes i mirënjohur shqiptar.

Jeta[Redakto | Redakto nëpërmjet kodit]

Amik Kasoruho lindi në vitin 1932 në Tiranë. Ishte vetëm 17 vjeç kur u arrestua nën akuzën për agjitacion dhe propagandë dhe u dënua me 10 vjet heqje lirie. Pasi doli nga burgu jetoi në Kavajë në periudhën 1956–1962. Më tej u dëbua familjarisht në Gosë, ku jetoi për gati 30 vjet, deri në vitin 1990.

Nga 1956–1960 punoi si punëtor krahu në Elbasan, Lushnjë, Kavajë, më pas si punëtor ndërtimi në Gosë, gjeometër, si teknik ndërtimi në NSHN Durrës.

Pas rrëzimit të diktaturës largohet drejt Italisë, ku qëndroi deri në vitin 2009. Në këtë periudhë u mor me publicistikë, përkthime dhe shkrimtari.

Vdekja e tij erdhi pas një sëmundje në mushkëri.[1]

Krijimtaria[Redakto | Redakto nëpërmjet kodit]

Më së shumti krijimtaria e tij u fokusua në fushën e përkthimit dhe të publicistikës. Ka sjellë në shqip mbi 60 vepra të autorëve të huaj dhe ka përkthyer mbi 10 autorë shqiptarë në gjuhë të huaj.

Vepra të tij[Redakto | Redakto nëpërmjet kodit]

  • “Një ankth gjysmëshekullor” (1997)
  • “Çmimi i një ëndrre” botuar në Itali (2000)
  • “Midis qiellit dhe burgut”
  • “Ikje nga trilli i perëndive” (Roman autobiografik)
  • “Pa mëri – Publicistika e jetës sime” (2013), (Përfshihen shkrime dhe intervista të autorit, botuar në shtypin shqiptar.

Përkthime[Redakto | Redakto nëpërmjet kodit]

Amik Kasoruho ka përkthyer në shqip vepra nga Pirandello, Isabel Allende, Harold Robbins, Patrick O’Brian, John Selby etj. Një ndër përkthimet e tij të fundit ishte edhe "Revolta e Atlasit" e shkrimtares dhe filozofes së mirënjohur amerikane Ayn Rand.

Cmime dhe dekorata[Redakto | Redakto nëpërmjet kodit]

  • Fitues i çmimit special të jurisë në konkursin Eks & Tra për shkrimtaret emigrantë në vitin 1999.
  • Në vitin 2000 ka marrë çmimin “Civitas – Arberia 2000 Calabria” për mirëmbajtjen e revistës italo-shqiptare të arbëresheve “Katundi Ynë”.
  • Kasoruho është dekoruar nga Presidenti i Republikës me titullin “Nderi i Kombit”.

Referimet[Redakto | Redakto nëpërmjet kodit]

  1. ^ a b "Ndahet nga jeta Amik Kasoruho". Arkivuar nga origjinali më 20 korrik 2014. Marrë më 25 gusht 2014.  Një parametër i panjohur |url-status= është injoruar (ndihmë)

Lidhje të jashtme[Redakto | Redakto nëpërmjet kodit]