Anonymous

Nga Wikipedia, enciklopedia e lirë

Anonymous është një rrjet ndërkombtar aktivistësh të pavarur dhe subjektesh haktiviste . Nga një revistë e afërt me grupin ishte thënë për Anonymous se funksionon si një grupim në internet me ide nga secili e jo si një trup diktatorial. Grupi u bë i njohur me një sërë DDoS sulmesh në qeveri, organizata dhe institucione fetare.
Anonymous është themeluar si grup në vitin 2004 në blogun Imageboard, ku u paraqit si një grup i madh i përdoruesve online dhe offline me qëllim të mbrojtjes nga shfrytëzimi kibernetik i shekullit tonë. Antarët e Anonymous, (të njohur si "Anons") identifikohen me anë të maskave të stilizuara të Guy Fawkes. Një Haker (Anonymous i njohur si Aleks) ka kontrolluar sistemin e Donalt Trump

[1]

Emblema e Anonymous
Kjo emblemë përfaqson anonimitetin dhe udhëheqjen pa lider të organizates.
Anonët në vende publike
Anonet në vend publik.
Anonymous
Viti i themelimit:                            2004
Lloji:                                        Aktivistë
Qëllimi:                     Anti kiber-përgjimit
Vendveprimi:                                Global
Antarsia:                   Grup i decentralizur

Filozofia[Redakto | Redakto nëpërmjet kodit]

Anonymous nuk kanë filozofi të paradefinuar në ndonjë mënyrë strikte, kështu edhe paknaqësitë e brendshme janë të zakonshme.[2] Gabriella Coleman në një blog në internet ka deklaruar se grupi përfshinë një numër të madh njerzish me një qëllim por jo domosdoshmërisht me pikëpamje filizofike të njejta rreth qëllimit.[3] Thënë shkurt Anonët kundërshtojnë cenzurën dhe kontrollin e internetit, rrjedhimisht caqet e sulmeve të tyre janë qeveritë, organizatat dhe koorporata që ata i akuzojnë për cenzurë dhe kontroll.
Anonët kanë përkrahur që nga fillimi edhe lëvizjen Occupy, lëvizje kjo me qëllime të përafërta me Anonymous. Mbrenda Anonymous ka antarë të cilët protestojnë në mënyrë paqësore po poashtu ka dhe nga ta që përdorin forma ilegale siq janë DDoS sulmet dhe forma tjera të hacking

Historia[Redakto | Redakto nëpërmjet kodit]

Sulmet në 4chan[Redakto | Redakto nëpërmjet kodit]

Vet emri Anonymous rrjedh nga anonimiteti i rezervuar për përdoruesit e internetit. E gjitha filloi kur duke shfrytzuar Imageboard ata arritën ta bënin të mundur që kur një përdorues dëshiron të mbetet anonim gjatë komentimi ose postimit në blog të vendosej fotoja qe tashmë simbolizon grupin. E tërë kjo seri sulmesh rezultoi me lajmin e parë në mjete informuese rreth Anonymous, kjo ishte edhe hera e parë e një paraqitje publike të tyre.

Encyclopedia Dramatica (2004) - sot[Redakto | Redakto nëpërmjet kodit]

Encyclopedia Dramatica u themelua nga Sherrod DiGrippo në vitin 2004 në fillim si një monitorues dhe dematues i shtypit dhe mediave tjera informuese, por shumë shpejt i adoptua nga Anonymous si një mjet i fortë satire pë aktualietet e asaj kohe. Gazetari Julian Dibbell ishte prononcuar se projekti Encyclopedia Dramatica ishte një lloj paralelizmi i universit tonë me një univers të shakave satirike dhe thumbuese.
Më 14 prill 2012 faqja e Encyclopedia Dramatica u zëvendësua me një faqe tjetër dhe si rrejdhojë e kësaj shumë antarë të Anonymous u revoltuan duke e fuqizuar planin "Save ED" dhe shumë shpejt arriten ta rifitonin qasjen në materialin e uebfaqes. E tërë përmbajtja e uebit u bë e shkarkueshme nga përdoruesit. Faqja e ringjallur fillimisht u hostua në domenin encyclopediadramatica.ch, pronë kjo e Ryan Cleary i cili u arrestua më vonë si i implikuar në sulmet e LulzSec.

Projekti Chanology (2008)[Redakto | Redakto nëpërmjet kodit]

Një mesazh Scientoligjisë - 21 janar 2008

Aktivitet e para haktiviste Anonymous i ndërmori në një sërë sulmesh kundër Kishës së scientologjisë, sulme këto të njohura me emrin Projekti Chanology. Më 15 janar 2008, blogu i njohur Gawker postoi një video ku predikuesi i famshëm i scientologjisë , Tom Crouise[4] vlerësonte fenë, kisha e scientologjisë me një letër të hapur akuzoi blogun për shkelje të drejtës autoriale që në fakt nuk kishte të bënte me atë por me faktin që po zbuloheshin fakte rreth aktiviteteve të kishës.
Antarët e Anonymous u alarmuan nga këto ngjarje dhe meqë e kishin nën vëzhgim aktivitetin e kishës vendosën të veprojnë duke dërguar letra paralajmruese, video fakte dhe DDoS sulme drejt uebfaqes së tyre.

Aktivistët Anon në protestë

Këto DDoS sulme në fillim realizoheshin me anë të dy softuerve Gigaloader dhe JMeter të cilët mundsonin këto sulme por intensiteti i tyre linte për tu dëshiruar. Pas vetëm disa ditësh ata u zëvendësuan nga Low Orbit Ion Cannon (LOIC) i cili mundësonte dërgim shumë të madh të paketave TCP dhe UDP të cilat shumë shpejt e bllokonin uebin viktimë. Nga atëherë LOIC ka qenë si mjet simbol i Anonymous. Disa nga anonët pa të drejtë thanë se përdorimi i LOIC ishte legal dhe në përputhje me ligjet e kibernetikës.

Gjatë këtyre sulmeve një grup i anonëve uploadoi një video në Youtube ku një zë robotik që fliste në emër të Anonoymous i paralajmroi kishën edhe për të tjera sulme dhe hakmarrje. Protestat dhe DDoS sulmet vazhduan në muajt në vazhdim por pas një kohe numri i protestuesve u zvoglua dhe hakerët e angazhuar filluan të largohen nga projekti.

Grupet e ndërlidhura[Redakto | Redakto nëpërmjet kodit]

LulzSec[Redakto | Redakto nëpërmjet kodit]

Në maj të vitit 2011, një grup i vogël që qëndronte pas sulmit të uebfaqës së HBGary Federal, themeluan një haker grupin e quajtur "Lulz Security" apo shkurt "LulzSec". Sulmi i parë i tyre ishte drejt FOX.com ku morën qindra emra të përdoruesve dhe fjalëkalime dhe poashtu emrat e të gjithë konkurentve të X-Factor show. Vëmendje botërore grupi fitoi kur ata hakuan uebfaqen e njohur amerikane Public Broadcasting Service duke marrur shumë të dhëna të rëndësishme dhe konfidenciale dhe poashtu ata postuan një lajm të rremë si reperët Tupac Shakur dhe Biggie Smalls ishin gjallë dhe jetonin në Zelandë të re.[5] Grupi pranoi implikimin direkt edhe në një sërë sulmesh tjera pornografike dhe mediale ku për qëllim ishte shkatrrimi i tyre dhe paralajmrimi i të tjerve që vepronin në kundërshtim me parimet e Anonymous respektivisht LulzSec.

AntiSec[Redakto | Redakto nëpërmjet kodit]

AntiSec u themelua nga disa antarë të Anonymous me qëllim të luftimit të keqpërdorimit të detyrës zyrtare nga ana e policisë si organ i formuar ta mbrojë ligjin. Ata sulmuan sistemin e të dhënave të Departmentit të Policisë së shtetit të Arizonës duke vjedhur informatatë personale të shumë oficerëve policor dhe një sërë dokumentesh tjera si fakte keqpërdorimi detyre, korrupsioni nga ana e policës.[6] AntiSecBrazil poashtu hakoi faqen zyrtare të qeverisë së Brazilit dhe faqen e presidencës ku u gjenden një numër i madh faturash dhe dokumente tenderësh për të cilat populli nuk ja kishte fare idenë.

Arrestimet dhe gjykimet[Redakto | Redakto nëpërmjet kodit]

Që nga viti 2009 qindra njerëz janë arrestuar me akuzën e bashkpunimit dhe implikimit në sulmet e kryera nga Anonymous në vendet si UK, US, Spanjë, Holandë etj.[7]
Njeriu i parë i cili u dënua me burg sepse ishte anon ishte i riu 19 vjeqar Dmitriy Guzner, shtetas amerikan i cili në nëntor 2009 u shpall fajtor për DDoS sulmet drejt Kishës së Scientologjisë. Ai i kaloi 366 ditë ne Burgun Federal.[8] Më 13 qershor 2012 autoritetet turke arrestuan 32 përsona me akuzën se kishin gisht në hakimin e uebfaqes së kryeministrisë së Turqisë. Këta antarë të Anonymous u zunë në qytete të ndryshme të Turqisë si Stambolli dhe Ankaraja. Sulmi ndaj uebfaqes së qeverisë turke u bë si hakmarrje ndaj vendimit të kryeministrit turk ndaj ISP-ve ku thuhej se duhet të filtrohej përmbajtja në internet, pra të cenzurohej interneti.[9]

Referimet[Redakto | Redakto nëpërmjet kodit]

  1. ^ [1]. Nga BBC lajmet
  2. ^ [2].Dibbell, Julian (September 21, 2009), The Assclown Offensive: How to Enrage the Church of Scientology, Wired Magazine, retrieved November 27, 2009
  3. ^ [3]. Nga blogu zyrtar
  4. ^ [4] Arkivuar 6 nëntor 2013 tek Wayback Machine. Nga high Beam
  5. ^ [5]. Nga CNN lajmet
  6. ^ [6]. Nga blogu tech crunch
  7. ^ [7]. Nga libri We Are Anonymous: Inside the Hacker World of LulzSec, Anonymous, and the Global Cyber Insurgency f.355
  8. ^ [8]. Informata te nxjerrura nga interneti
  9. ^ [9]. Albanesius, Chloe (qershor, 2011) "Turkey Arrests 32 'Anonymous' Members & Opinion". PCMag.com.