Arben Dedja

Arben Dedja në Festivalin Congiunzioni, Mestre 2017

Arben Dedja (Tiranë, 15 janar 1964) është poet, përkthyes, shkrimtar, kërkues shkencor, pedagog.

Biografia

Jeton me familjen në Padovë (Itali). Bir dhe nip mjeku , diplomohet në Fakultetin e Mjekësisë të Universitetit të Tiranës më 1988. Në periudhën 1988-91 punon si mjek i përgjithshëm në Maqellarë (Dibër). Kthehet në Spitalin Universitar të Tiranës, ku përfundon specializimin si Kirurg i Përgjithshëm në vitin 1994. Në periudhën 1995-99 është urolog pranë Klinikës së Urologjisë të Spitalit Universitar të Tiranës. Në vitin 1999 emigron në Padovë me një bursë studimi të Universitetit të Padovës. Qysh atëhere është marrë vazhdimisht me kërkime shkencore në departamente dhe institute të ndryshme të këtij universiteti. Interesat e tij profesionale janë: mikrokirurgjia , kirurgjia eksperimentale, transplantet , përdorimi i qelizave staminale, etj . Në vitin 2012 mbrojti pranë Departamentit të Pediatrisë të Universitetit të Padovës doktoraturën me një tezë eksperimentale në neonatologji: Administration of L-citrulline in an animal model of perinatal lung damage.

Aktualisht është kërkues shkencor në Departamentin e Shkencave Kardio-Torako-Vaskulare dhe të Shëndetit Publik të Universitetit të Padovës. Prej vitit 2011, përveç nënshtetësisë shqiptare mban edhe atë italiane. Nga adoleshenca vazhdimisht ka shkruar dhe përkthyer.

Libra të botuar

Poezi

• The Italian Job, Tiranë, Onufri, 2022 ISBN 978-9928-354-75-4
• Shqiptime të rralluara, Tiranë, Pika pa Sipërfaqe, 2018 ISBN 978-9928-185-58-7
• The Vanishing Twin, Nardò, Besa Editrice, 2015 ISBN 978-88-497-1018-2
• La manutenzione delle maschere, Bolonjë, Kolibris Edizioni, 2010 ISBN 978-88-96263-24-2
• I thopërkuom, Tiranë, Korbi, 2003 ISBN 99927-788-6-5
• Shpella e trishtimeve të tua, Tiranë, Naim Frashëri, 1994

Prozë

• Tregimtari i Madh, Tiranë, Pika pa Sipërfaqe, 2023 ISBN 978-9928-373-17-5
• Biblioteka futuriste, Tiranë, Pika pa Sipërfaqe, 2022 ISBN 978-9928-373-03-8
• Trattato di medicina in 19 racconti e 1/2, Torino, Whitefly Press - Vague Edizioni, 2020 ISBN 978-88-98487-09-7
• Kulla e mishit, Tiranë, Pika pa Sipërfaqe, 2016 ISBN 978-9928-185-27-3
• Histori (e)skatologjike, Tiranë, Pika pa Sipërfaqe, 2014 ISBN 978-9928-185-01-3
• Amputazioni prolungate, Nardò, Besa Editrice, 2014 (përkthyer në italisht nga autori) ISBN 978-88-497-0933-9
• Amputime të zgjatura, Tiranë, Ombra GVG, 2011 ISBN 978-99956-38097-9

Përkthime

• Saki, Sredni vashtar dhe tregime të tjera, Tiranë, Pika pa Sipërfaqe, 2023 ISBN 978-9928-373-21-2
• Dante Alighieri, Vita nuova, Tiranë, Pika pa Sipërfaqe, 2021 ISBN 978-9928-185-73-0
• Sylvia Plath, Lady Lazarus, Tiranë, Aleph, 2012 ISBN 978-9928-4115-5-6 dhe Lulëkuqe tetori (bashkë me Suadela Balliun), Tiranë, Aleph, 2021 ISBN 978-9928-4115-5-7
• J. Rodolfo Wilcock, Sinagoga e ikonathyesve, Tiranë, Pika pa Sipërfaqe, 2019 ISBN 978-9928-185-70-9
• Attilio Bertolucci, Me këto lulëkuqe e flutura, Tiranë, Aleph, 2017 ISBN 978-9928-4395-2-9
• Emily Dickinson, Oda alabastri, Tiranë, Pika pa Sipërfaqe, 2017 ISBN 978-9928-185-40-2
• William Blake, Këngët e Pafajësisë dhe të Përvojës, Tiranë, Botimet Jozef, 2013 ISBN 978-9928-4147-5-5
• Guido Cavalcanti, Poezia, Tiranë, Ombra GVG, 2007 ISBN 978-99943-44-35-2
• Miroslav Holub, Harbimi, Tiranë, Afërdita, 2000 dhe Ç’mendim ka Minotauri për Poezinë (bashkë me Edion Petritin), Tiranë, Aleph, 2012 ISBN 978-9928-4115-7-0
• Umberto Saba, 30 poezi, Tiranë, MÇM Çabej, 1997

Çmime dhe nderime

• 2022, Çmimi “At Gjergj Fishta” 2022 për poezinë, nga Bashkia Lezhë, për vëllimin The Italian Job, Lezhë (Shqipëri)
• 2014, Autori i Vitit, nga Shoqata e Botuesve Shqiptarë , për vëllimin Kulla e mishit, Panairi i 17^ i Librit, Tiranë (Shqipëri)
• 2004, Premio Internazionale di Poesia e Traduzione, nga "Fondazione Carisap", për poezitë e Attilio Bertolucci-t, Ascoli-Piceno (Itali)