Blizzard Entertainment

Nga Wikipedia, enciklopedia e lirë
Shko te: navigacion, kërko

Blizzard Entertainment, Inc. është kompani zhvilluese dhe publikuese e lojërave kompjuterike e themeluar më 8 Shkurt, 1991 me emrin Silicon & Synapse nga tre studentë, Michael Morhaime, Allen Adham dhe Frank Pearce.

Logo e Blizzard Entertainment

Kompania aktualisht është pjesë përbërëse edhe e kompanisë publikuese amerikane Activision Blizzard, e cila është nën pronën e Vivendi SA. E ndodhur në Irvine, Kaliforni, kompania në fillim ishte e fokusuar në krijimin dhe adaptimin e softuerit për studiot tjera zhvilluese, para se të filloj zhvillimin e softuerit të tyre në vitin 1993 ku vlejnë të përmenden lojërat si Rock n' Roll Racing dhe The Lost Vikings.

Në vitin 1994 kompania mori emrin Blizzard Entertainment Inc para se të kërkohej nga distributorët Davidson & Associates dhe më vonë nga Vivendi. Pas pak kohësh, Blizzard nxorri në shitje lojën e famshme Warcraft: Orcs & Humans. Blizzard më vonë krijoi edhe disa lojëra tjera të suksesshme, duke përfshirë Warcraft, StarCraft dhe seritë e Diablo.

Më 9 Korrik, 2008, Activision zyrtarisht u bashkua me Vivendi Games.

Historia[redakto | redakto tekstin burimor]

Selia kryesore e Blizzard në Irvine, Kaliforni

Blizzard Entertainment u themelua nga Michael Morhaime, Allen Adham dhe Frank Pearce me emrin Silicon & Synapse në Shkurt të vitit 1991. Në fillim kompania u fokusua në adaptimin e softuerëve për studiot tjera zhvilluese. Në vitin 1993, kompania zhvilloi lojërat sic ishin Rock n' Roll Racing dhe The Lost Vikings.

Në fillim të 1994, kompania e zhvillimit softuerik u morr nga distributori Davidson & Associates për 6.75 milion dollarë. Po atë vit kompania ndërroi emrin në Chaos Studios para se ta bënin përfundimisht Blizzard Entertainment, por doli që një kompani tjetër kishte po të njejtin emër. Pas një kohe të shkurtër, Blizzard nxorri në shitje lojën e njohur Warcraft: Orcs & Humans.

Pas sukseseve të njëpasnjëshme, në Janar të vitit 1997, Blizzard lançoi shërbimin e tyre online Battle.net, së bashku me lojën e bazuar në RPG, Diablo. Në vitin 2004, Blizzard hapi zyret edhe në Evropë, perkatësisht në Paris, zyre të cilat hynë në shërbim të komunitetit evropian. Në Nëntor të vitit 2004, Blizzard nxorri në treg lojën World of Warcraft, njërën prej lojërave që theu rekorde në shitjet në treg.

Titujt[redakto | redakto tekstin burimor]

Titulli Viti
The Death and Return of Superman 1994
Warcraft: Orcs & Humans 1994
Justice League Task Force[1] 1995
Warcraft II: Tides of Darkness 1995
Warcraft II: Beyond the Dark Portal 1996
Diablo 1996
The Lost Vikings II 1997
StarCraft 1998
StarCraft: Brood War 1998
Warcraft II: Battle.net Edition 1999
Diablo II 2000
Diablo II: Lord of Destruction 2001
Warcraft III: Reign of Chaos 2002
Warcraft III: The Frozen Throne 2003
World of Warcraft 2004
World of Warcraft: The Burning Crusade 2007
World of Warcraft: Wrath of the Lich King 2008
StarCraft II: Wings of Liberty 2010
World of Warcraft: Cataclysm 2010
Diablo III 2012
World of Warcraft: Mists of Pandaria Në beta[2]
StarCraft II: Heart of the Swarm Në zhvillim
StarCraft II: Legacy of the Void Në zhvillim
Titan (emri i projektit)[3] Në zhvillim

Battle.net 2.0[redakto | redakto tekstin burimor]

Blizzard lançoi një sistem më të avancuar të shërbimit onlineBattle.net në vitin 2009. Ky sistem i ri u mundësoi lojtarëve të luajnë të gjitha lojërat kompjuterike të Blizzard prej një përdoruesi si dhe të shkarkojne kopjet origjinale elektronikisht, duke mos pasur nevojë ta kenë kopjen fizike.

Referencat[redakto | redakto tekstin burimor]

  1. ^ "Blizzard North: Condor and Diablo". Blizzard Entertainment. Arkivuar nga the original më February 22, 2002. 
  2. ^ Collar, Phil (2012-03-22). "World Of Warcraft: Mists Of Pandaria Beta Is Live". Game Informer. 
  3. ^ "Destructoid: VGAs Interviews: Mortal Kombat, Blizzard on project Titan". Destructoid.