Doroti Malone

Nga Wikipedia, enciklopedia e lirë
Dorothy Malone
U lind në30 janar 1924
Kombësiaamerikane
TitulliFato nga një Studio publike e Dorothy Malone nga Written on the Wind, në vitin 1956

Doroti Malone (30 janar 1924 - Chicago, Illinois, SHBA), aktore amerikane e filmit dhe televizionit.

Biografia[Redakto | Redakto nëpërmjet kodit]

Lindi në Çikago por prindërit e saj ishin shpërngulur në Dallas ku ishte interesuar ta fillonte një jetë të re e cila do t’i shëndrrohej në suksese të shumta filmore. Me aktrim kishte filluar të merrej në shkollë, për të debituar në vitin 1946 në filmin "Gjumi i thellë" me të cilin arriti shumë shpejt që të bëhej e kërkuar nga regjisorë të ndryshëm. Në fillim nuk kishte ndonjë rol të madh deri në filmin "Artistet dhe modelet" në të cilin aktron me aktorët e shquar : Din Martin, Xheri Luis dhe Shirli Mek Lejn.

Doroti Malone

Në vitin 1956 mori çmimin oskar për rolin sekondar në filmin e regjisorit Daglas Sirk "Është shkruar në erë", në të cilin aktroi bashkë me aktorët Rok Hadson dhe Lorin Bekol. Me Rok Hadsonin dhe Kirk Dagllasin realizoi edhe filmin "Muzgu i fundit" (1961) në të cilin e luajti një rol të fuqishëm dhe të paharruar. Filmi ishte vestern dhe dukej se asaj i përshtateshin edhe rolet e këtij lloji me ç’rast dy vite më parë kishte aktruar në vesternin "Varllok" (Njeriu me revole të arta) përballë kolosëve filmorë : Henri Fonda, Riçard Vidmark dhe Entoni Kuin.

Ajo ishte partnere e Xhejms Kegnit në filmin "Njeriu me njëmijë fytyra", por popullaritetin më të madh ia solli seriali : "Qyteza Pejton" nga viti 1964-1968 në të cilin shkëlqen në rolin e Konstanca Mekenzit. Në atë serial laujnë edhe disa aktorë të njohur si : Rajan O Nil, Xhek Karson, Mia Farou etj.

Edhe Doroti Melon aktroi me emra të shquar si : Keri Grant, Antoni Kuin, Riçard Vidmark, Henri Fonda, Rok Hadson, Kirk Dagllas, Xhejms Kegni, Hemfri Bogart, Elisha Kuk, Xhek Karson, Denis Morgan, Virxhinia Mejo, Xhoekl Mek Krea, Randolf Skot, Glen Ford, Broderik Krauford, Riçard Egan Kameron Miçel, Xhejms Vitmor, Ronald Regan etj.

Ajo bashkëpunoi edhe me regjisorë të famshëm si : Vinsent Sherman, Hauard Houks, majkëll Kurtis, Delmer Dejvis, Dejvid Batler, Raul Volsh, Henri Levin, Gordon Dagllas, etj.

Filmografia[Redakto | Redakto nëpërmjet kodit]

Film[Redakto | Redakto nëpërmjet kodit]

  • Njeriu që nuk donte të vdiste (1942),
  • Lart e më lart (1943),
  • Shou biznesi (1944),
  • Një natë misterioze (1944),
  • Shumë i ri për të ditur (1945),
  • Xhejni dëshiron të martohet (1946),
  • Nata dhe dita (1946),
  • Për ngadhnjyesin (1946),
  • Dy djelmosha nga Teksasi (1948),
  • Një të diel pasdite (1948),
  • Fleksi Martini (1949),
  • Në jug të Sent Luisit (1949),
  • Teritori i Kolorados (1949),
  • Njeriu nga Nevada (1950),
  • Vrasësi që e tmerroi Nju Jorkun (1950),
  • Ligji dhe rendi (1953),
  • Tensionet në Tejbëll Rok (1956) etj.

Televizion[Redakto | Redakto nëpërmjet kodit]

Lidhje te jashtme[Redakto | Redakto nëpërmjet kodit]