Drapëri dhe çekiçi

Drapëri dhe çekiçi në flamurin e Bashkimit Sovjetik.

Drapëri dhe çekiçi është një simbol i komunizmit që përfaqëson solidaritetin proletar midis punëtorëve të bujqësisë dhe industrisë. Ai u miratua për herë të parë gjatë Revolucionit Rus në fund të Luftës së Parë Botërore, çekiçi që përfaqësonte punëtorët dhe drapëri që përfaqësonte fshatarët.

Pas Luftës së Parë Botërore (nga e cila Rusia u tërhoq më 1917) dhe Luftës Civile Ruse, drapëri dhe çekiçi u përdorën më gjerësisht si një simbol për punën brenda Bashkimit Sovjetik (BRSS) dhe për unitetin ndërkombëtar proletar. Ajo u mor nga shumë lëvizje komuniste në mbarë botën, disa me variacione lokale. Drapëri dhe çekiçi mbetet i zakonshëm në shtetet e vetëshpallura socialiste, si Kina, Kuba, Koreja e Veriut, Laosi dhe Vietnami, por edhe disa ish-republika sovjetike pas shpërbërjes së Bashkimit Sovjetik, si Bjellorusia dhe Rusia. Disa vende kanë vendosur ndalime për simbolet komuniste, ku ekspozimi i drapërit dhe çekiçit është i ndaluar.

Historia

Në fillim simboli ishte një gërshetim i çekiçit me plugun (parmendën). Drapëri dhe çekiçi edhe pse përdoreshin që nga 1917/18 nuk ishin simbol zyrtar deri në vitin 1922, deri atëherë ky simbol përdorej nga Armata e kuqe dhe Garda e kuqe në uniformat, medaljet dhe kësulat e tyre, etj.

Më vonë ky simbol u vendos në flamurin e Bashkimit Sovjetik në vitin 1923. Ndërsa i stilizuar ky simbol u vendos te flamujt e Republikave Sovjetike.