Enti për punësim (Mitrovicë)

Nga Wikipedia, enciklopedia e lirë
Jump to navigation Jump to search
Enti për punësim
Lloji Arkitekturore
Vendndodhja Mitrovicë, Kosovë
Ndërtuar Shek. XX
Emri zyrtar: Monument /Ansambël
Lloji Nën mbrojtje
Nr. i referencës 3375

Enti për punësim është një monument i trashëgimisë kulturore në Mitrovicë, Kosovë.[1] Ky monument është i kategorisë "Arkitekturor", i miratuar me numër.

Historiku[redakto | përpunoni burim]

Enti për Punësim (Qendra Rajonale për Punësim – Mitrovicë) Në zonën e Planit Rregullativ “Qendra” të PZHU-së në Mitrovicë gjendet ndërtesa e njohur në popullatë si ndërtesa e Entit të Punësimit. Objekti u ndërtua në vitet ’30 të shek. XX. Objekti u ndërtua nga familja Deva me destinim banimi për familjarët Deva, të cilët nuk arritën ta shfrytëzojnë për kohë të gjatë. Prona në fjalë u konfiskua nga Komuna në vitet ’50 të shek. XX dhe që nga ajo kohë ajo u destinua për shërbime administrative të Komunës, duke filluar si stacion policor i xhandarmërisë, e më pastaj si Enti për Punësim i Mitrovicës, sot Qendra Rajonale për Punësim. Për nga stili i ndërtimit, ky objekt i përket arkitekturës moderne euro-perëndimore dhe shquhet me elemente arkitektonike në eksterier – pilastrat në fasada ballore dhe nënkulmin të ekzekutuar në formë Mansardi. Stili i ndërtimit të këtij objekti paraqet kthesë radikale të kalimit nga ndërtimi i objekteve me ndikim të arkitekturës të stilit oriental në ndërtim të objekteve me stil të arkitekturës moderne evropiane të kohës. Përveç disa intervenimeve në enterier, ky objekt në eksterier dhe fasadë ka ruajtur origjinalitetin e vet.

Referimet[redakto | përpunoni burim]

  1. ^ LISTA E TRASHËGIMISË KULTURORE PËR MBROJTJE TË PËRKOHSHME (PDF). Republika e Kosovës, Ministria e Kulturës, Rinisë dhe Sportit. Marrë më 17 gusht 2016. 

Lidhje të jashtme[redakto | përpunoni burim]