Fevzije Çamer

Fevziye Camer është stiliste, modeliste dhe filantrope e njohur shqiptare me origjinë nga Çamëria e lindur më 23 prill 1939 dhe punon e jeton në Stamboll Turqi.

Biografia

Babai e gjyshi i saj ishin nga fshati Mazrek i Çamërisë nga një familje që valët e kohës nuk e vunë poshtë si mjaft të tjerë. I ati merrej me tregti kishte hapur një

dyqan në Stamboll, vetë ishin vendosur në një qytet të vogël bregdetar karshi Stambollit të quajtur Golxhuk. Aty u rrit zonja Fevzije, aty mësoi fjalët e para në shqip në familje. Aty bisedoi me motrën Feride dhe vëllain Ahmet, i cili më vonë do të bëhej një inxhinier arkitekt i shquar e do të punonte në Izmir. Motrat të dyja do të zinin vend në Stamboll në familjet e tyre.

Ajo ruajti me këmbëngulje dhe nuk e ndërroi për asnjë moment

mbiemrin e saj "Çami", identitetin e saj shqiptar, se ndryshoi vetëm mbaresa "er" që është turke ka hyrë në të, me mbiemrin e rrënjës shqiptare "Çami-Çamer". Është kjo një shenjë identiteti, një burim krenarie, për këtë personalitet të shqiptarëve jashtë Shqipërisë.

Jeta profesionale

Duke parë që "kryeqyteti" i Modave në botë është Parisi, zonja Fevzije

për mbi një dekadë e gjysmë shkoi në Paris dhe aty u njoh me rrënjë me arritjet më të mira në fushën e modës. Duke parë talentin e saj, pati dhe oferta nga firmat e njohura në fushën e modës si shtëpitë e modës "Dior" dhe "Valentino" për të punuar me to e për to, për të bashkëpunuar.

Vetë zonja Fevzije Çamer në lidhje me këtë shprehet në një intervistë të fundit të saj:

"Puna ime është shumë origjinale dhe kur më kanë bërë këtë ofertë unë kam kërkuar që nëse punoj për ta, emri i firmës të ndryshohej si p.sh. "Dior Çamer", ose "Valentino Çamer".

14 shtator 2008 ajo erdhi në Shqipëri në realizim të një ëndrre të

vjetër të saj për një sfilatë mode me veshjet e saj, si modeliste për sezonin e beharit. Këtë ajo e realizoi nga 7-14 nëntor 2008 në Javën Shqiptare të Modës, ku ajo u paraqit e para njëkohësisht në mbyllje të këtij aktiviteti, ajo performoi në mënyrë të veçantë veç të tjerëve edhe njëherë me sfilatën e saj me 60 veshjet e përgatitura nga duart e saj.

20-21 mars 2013 E pranishme tek “Kosova International Fashion Week”, java e modës më e madhja në rajon në ‘Sheshin 21’ në Prishtinë ku prezantoi modelin e saj të shqiptarsisë si Nënë Tereza.

Vlerësime

Në shtypin turk të këtyre 50 vjetëve të fundit emri i saj

nuk është hequr nga faqet e gazetave, revistave dhe jo vetëm të specializuara por në përgjithësi janë me dhjetëra artikuj e fotografi të saj, pa folur për median e folur radiotelevizive, për emisionet e posaçme që i janë kushtuar të famshmes stiliste turke Çamer.

Ishte ajo që në mes të viteve ‘90 të shekullit të kaluar, veshi një modeliste

zviceranë me rroba të stilizuara popullore shqiptare dhe fitoi çmimin e parë në botë në Paris në Festivalin Ndërkombëtar të Modës.

Lidhje të jashtme