Jump to content

Fibra dietike

Nga Wikipedia, enciklopedia e lirë
Ushqime të pasura në fibra

Fibrat dietike janë pjesët me origjinë bimore të cilat nuk mund të shpërbëhen nga enzimat tretëse. Gjithashtu, janë të rëndësishme për funksionimin e qarkullimit të ushqimit në zorrën intestinale.

Fibrat dietike janë të ndryshme në përbërjen kimike dhe mund të grupohen përgjithësisht për nga tretshmëria, ngjitshmëria dhe fermentueshmëria, të cilat prekin mënyrën se si këto përpunohen në trup. Fibra dietike ka dy përbërës kryesorë: fibra e tretshme dhe ajo e patretshme, të cilat janë përbërje të ushqimeve me bazë bimore si perimet, drithërat e plota, frutat, dhe arrat ose farat. Një dietë me përmbajtje të lartë fibrash zakonisht përmirëson shëndetin dhe zvogëlon rrezikun e shumë sëmundjeve.

Përparësitë e konsumit të fibrave varen nga cili tip i fibrës konsumohet dhe cilat përfitime mund të rezultojnë në sistemin gastrointestinal. Fibrat si celuloza dhe hemiceluloza thithin dhe mbajnë ujin, duke nxitur lëvizjen e zorrëve. Fibrat ngjitëse (viskoze) si beta-glukani dhe psiliumi trashin masën fekale. Fibrat e fermentueshme si niseshteja rezistente, goma ksantan dhe inulina, ushqejnë bakteret dhe mikrobiotën e zorrës së trashë dhe metabolizohen për të dhënë yndyrna të ngropura me zinxhir të shkurtër, të cilat kanë role të shumëllojshme në shëndetin gastrointestinal.