Gjovalin Gjadri

Nga Wikipedia, enciklopedia e lirë
Jump to navigation Jump to search
Gjovalin Gjadri.jpg

Gjovalin Gjadri (Shkodër, 2 korrik 1898 - Tiranë, 13 mars 1974) ka qenë profesor, inxhinier, konstruktor i shquar në projektimin dhe ndërtimin e urave.

Biografia[Redakto | Redakto nëpërmjet kodit]

Lindi në lagjen Arra e Madhe të qytetit të Shkodrës, në një familje të thjeshtë.[1] Shkollën e mesme dhe të lartë i kreu në Vjenë në sajë të njërës prej bursave të shumta që pushtim-administrimi austro-hungarez dha ndër shqiptarë.

Mbas kryerjes së studimeve u kthye në Shqipëri më 1926-27, ku bashkëpunon në zbatimin e projektit për Urën e Matit. Në vitet 1927-31 jetoi në Bashkimi Sovjetik, ku punoi në Institutin e Projekteve në Moskë. Prej një sëmundje mushkërish u kthye në Shqipëri më 1932, ku i rikthehet projektimit të urave, dhe konkretisht jo shumë kohë pas kthimit u konkretizua Ura e Gomsiqes.[2] Në administratën e qeverisë Vërlaci pas pushtimit italian, ishte drejtor i Kontrollit Teknik.[3]

Mbas Luftës së Dytë Botërore mori pjesë në rindërtimin dhe projektimin e disa urave kryesore të Shqipërisë. E një rëndësie të veçantë mbetet monografia "Shkenca e konstruksionit " e shkruar në tri vëllime. "Studime mbi gjendjen e urave në Shqipëri", etj.

Vepra[Redakto | Redakto nëpërmjet kodit]

Ka ndërtuar Urën e Matit, Prenkova, Mbrostar, Rrogozhinës, Urën te Bulevardi Dëshmorët e Kombit në Tiranë.

Më 1943 shkroi "Briefe an meine tote Frau" me pseudonimin G. Maranaj, me letrat që i shkroi të shoqes së tij pasi kishte ndërruar jetë.[4] Vëllimi u botua për herë të parë më 1998, përkthyer nga Petraq Kolevica me titullin "Letra e gruas sime të vdekur".[5] U ripërkthye në gegërishten letrare më 2017 nga Ardian Ndreca me titullin "Letra shoqes seme të vdekun".[4]

Referimet[Redakto | Redakto nëpërmjet kodit]

  1. ^ A. Ndreca, "Letrat" e Gjovalin Gjadrit - nji himn dashunie, parathënie e vëllimit Gj. Gjadri, Letra grues seme të vdekun, Tiranë: Onufri, fq. 6. ISBN 978-9928-226-74-7
  2. ^ N. Pojani, Gjovalin Gjadri, inxhinieri i urave të para shqiptare: [portret], Tiranë: Gazeta shqiptare. - Nr. 6211, 16 dhjetor, 2013, f. 16 - 17.
  3. ^ Annuario del Regno d'Albania (PDF). Milano: Ravagnati. 1940. f. 101.
  4. ^ a b B. Andoni, T’i shkruash dhimbjes me dashuri, javanews.al, 14 dhjetor 2017.
  5. ^ Fondi online i Bibliotekës Kombëtare, bksh.al.