Ilir Shaqiri

Nga Wikipedia, enciklopedia e lirë
Shko te: navigacion, kërko
Ilir Shaqiri

Ilir Shaqiri është këngëtar, autor këngësh dhe shkrimtar shqiptar nga Kosova, është veteran i UÇK-së.[1]

Ilir Shaqiri është autor i 619 këngëve të lehta, popullore dhe folklorike.[2] Ai ka marr pjesë në më shumë se 1000 koncerte dhe përmbi 900 prej tyre janë humanitare. [3]

Jeton në Prishtinë, ndërsa punon në studion "Iliria". 

Biografia[redakto | redakto tekstin burimor]

Ka lindur më 6 dhjetor 1960 në Burojë, Komuna e Skënderajt, Kosovë. Mësimet fillore i ka bërë në Turiçec, ato të mesmet për farmaci në Prizren, të lartat në gjuhë dhe letërsi shqipe në Prizren e Prishtinë.[3]

Për herë të parë para publikut doli në vitin 1978 në Shtëpinë e kulturës në Prizren. Në vitin 1983 në festivalin "Rapsodet Këndojnë" në Drenicë merr çmimin e parë nga juria profesionale. Me Shoqërinë Kulturore "Akumulatori" të Mitrovicës në festivalin e Kaqanikut, viti 1984, vlerësohët si interpretues i shkëlqyeshëm.[3]

Së bashku me heroin e kombit shqiptar Hamëz Jashari në vitin 1985 kanë formuar Ansamblin folklorik "Drenica", dhe të njëjtin ansambël e kanë udhëhequr deri në vitin 1990. Në festivalin "Theranda 85" vlersohët për interpretim.  Në vitin 1991 mbaroi dy kurse për solokëndim në Tiranë, ndërsa në festivalin "Festarb 1992" në Shkup, festivali i parë ku bashkoi të gjithë krijuesit shqiptarë, ka marr çmimin e parë të publikut.

Morri pjesë në Festivalin e 33-të të KëngësRTSH (1994) me këngën e Naim Gjoshit, Jam Evropë. Në të njëjtin vit morri pjesë në festivalin ndërkombëtar "Folkmoot USA 1994" në Karolinën e Veriut dhe është nderuar me një çmim special. Në vitin 1995 në festivalin "Kënga Shqiptare" në Prishtinë merr dy çmimet e para, atë të jurisë dhe të publikut, ndërsa në vitin 1997 realizoi filmin televiziv "A.D. – Vite të rëndësishme" me regjizorin Isa Qosja[3]

Gjatë vitit 1998 mbajti 68 koncerte në përkrahje të UÇK-së nëpër Evropë: Gjermani, Zvicërr, Belgjikë, Angli, Itali, Norvegji, Suedi, Austri, Holandë dhe Shqipëri. Më 6 mars 1999 morri pjesë në përvjetorin e parë të rënies së Komandantit legjendar Adem JashariPrekaz, gjatë luftës kundër pushtuesit serb[3]

Albumet[redakto | redakto tekstin burimor]

  • Djem petrita ka rrit Drenica (1988)
  • Luma e kuqe ka lidh besë (1989)
  • Falë të qoftë gjaku Kosovë (1989)
  • Fjalët e Qiririt (1990)
  • Këngë e rrallë (1991)
  • Këtu kam folenë (1992)
  • Liri (1993)
  • Tingujt e Zjarrt (1994)
  • Këtu shkëlqen plisi (1998)
  • Thirrja e Shpirtërave (1999)
  • Garda e Kosovës (2000)
  • Këngët e Përngritjes (2001)
  • Bota e Rinisë (2002)
  • Kujdes Lirinë (2003)
  • Ringjalle (2003)
  • Dridhe Shkup e Shkodër (2004)
  • Lugina e dashurisë (2005)
  • E di një këngë për ty (2007)
  • Pranë diellit (2009)
  • Artist i Merituar (2012)

Mirënjohjet[redakto | redakto tekstin burimor]

Është dekoruar në vitin 2011 nga Presidenti i atëhershëm i Shqipërisë Bamir Topi me Urdhrin “Naim Frashëri i Artë”.[4]

Referencat[redakto | redakto tekstin burimor]

Lidhje të jashtme[redakto | redakto tekstin burimor]