Istref Begolli

Istref Begolli (Pejë, 1 maj 1933 - Krapinske Toplice, 31 janar 2003) ka qenë një aktor i shquar kosovar i kinematografisë jugosllave në përgjithësi dhe asaj kosovare në veçanti. I çmuar nga Rade Sherbexhija si "aktori më i mirë i ish-Jugosllavisë". Rrjedh nga një familje artistësh kosovarë të mirënjohur, së cilës i takon edhe aktori dhe profesori i aktrimit Faruk Begolli.

Biografia

U lind në Pejë, asokohe pjesë e Banovinës së Zetës, në mesin e një familjeje të shquar të qytetit. Në vendlindje ndoqi shkollimin fillor dhe gjysmë-gjimnazial. Me themelimin e Teatrit Krahinor të Prishtinës më 1949, Begolli gjashtëmbëdhjetëvjeçar shkoi për t'u bërë pjesë e trupës teatrale.

Filmografia

• Migjeni - (1990) (TV)
• Opasni trag - (1984) (si Istref Begoli)
• Përroi vërshues - (1981)
• E tërë jeta për një ditë - (1980) (TV)
• Kur pranvera vonohet - (1980) (mini) TV Seri
• Era e Lisi - (1979) (mini) TV Seri
• Epoka para gjyqit - (1978) (TV)
• Pasqyra - (1977) (TV)
• Crveni udar - (1974) si toger gjerman
• Bombasi - (1973)
• Hleb - (1973) (TV)
• Si të vdiset - (1972)
• Të ngujuarit - (1971) (TV)
• Lelejska gora - (1968) si Trobrk
• Brat doktora Homera - (1968)
• Do pobede i dalje - (1966) (si Istref Begoli)
• Nevesinjska puska - (1963) (si Istref Begoli)
• Solunski atentatori - (1961)
• Kapetan Lesi - (1960) (si I. Begoli)