Justiniana Prima

Nga Wikipedia, enciklopedia e lirë
Shko te: navigacion, kërko

Justiniana Prima është një qytet i vjetër Ilir i themeluar në kohën bizantine nga Justiniani I.

Justiniana Prima u ndërtua nga perandori i madh dardan pranë vendit të lindjes, Tauresium-it, me qëllimin për të krijuar një qendër të madhe urbane dhe një kryeqytet të ri të provincës së Ilirikut. Tauresium ishte sipas kronistit Prokop i Cezaresë një vendbanim i vogël pranë fortesës së Bederianës në Dardani. [1]

Në shqip emri ka kuptimin "qyteti i parë i quajtur sipas emrit të Justinianit". Një qytet i dytë i emërtuar sipas perandorit dardan është Ulpiana, e cila pas rindërtimit të kryer gjatë viteve të para të sundimit të Justinianit u quajt Justiniana Secunda. Në vitin 535, Justiniani vendosi ta ngrejë Justiniana Primën në rangun e Peshkopatës dhe t’i japë Kishës ilire Autoqefalinë, por dhjetë vjet me pas u detyrua prej protestave të Papa Agapetusit, që të ripranojë juridiksionin e mëparshëm të Romës mbi vendin.[2] Qyteti është shkatëruar nga ushtritë avare në gjysmën e parë të shekullit VII. Rrënojat janë zbuluar në jug të qytetit të Nishit në një vend të emërtuar Caričin Grad. [3]


Aeroimazh i 1937.


Referenca dhe shënime[redakto | redakto tekstin burimor]

  1. ^ Procopius, De Aedificiis, IV, 1, 17
  2. ^ Každan A. P. The Oxford Dictionary of Byzantium. Oxford University Press, New York, 1991, pp. 1085
  3. ^ Po aty

Lidhje të jashtme[redakto | redakto tekstin burimor]

Rindërtim në 3-d i qytetit të parë të Justinianit.