Kënga e Hajredin Pashës

Kënga e Hajredin Pashës është një këngë trimerie që flet për Kryengritjen e Dervish Carës në malet e Dibrës gjatë periudhës 1843-1844..

Historia

Përfaqësuesit e kryengritësve thirrën në nëntor 1844 kuvendin e tyre në Fushën e Gjoricës, që u drejtua nga Mustafa Zerqani. Në kuvend u vendos të mbroheshin të drejtat e autonomisë lokale, që popullsia gëzonte prej kohësh. Kuvendi i bëri thirrje për t’u bashkuar me kryengritësit dibranë edhe popullit të krahinave të Kosovës, të Mirditës, të Elbasanit e të Gjakovës, ku Porta po mblidhte forca për t’i hedhur kundër tyre. Gjatë muajit nëntor 1844 kryengritësit dibranë e matjanë, të komanduar nga Cen Leka, u zunë rrugën ushtrive osmane të komanduara nga Hajredin Pasha.

Teksti

Heeeeeeeej.......

• Hajredin Pasha o po i bjen o Radikës
• Vallë o ku janë o k'to malet e Dibrës
• Vallë o ku janë o k'to malet e Dibrës
• Vallë o ku janë o more k'to malet e Dibrës

• Bajnë o kuvend more n'fushë o t'Gjoricës
• Bajnë o kuvend more n'at fushë o t'Gjoricës
• N'fushë t'Gjoricës o more ke kalaja

• Hajredin Pashën e ka gjetë belaja
• Hajredin Pashën e ka gjetë o belaja
• Se belaja Pashën e ka gjet e
• Malet e Dibrës more kanë lidh besë

• Malet e Dibrës more kanë lidh besë
• Kanë lidh besë, more kanë lidh o te tanë

• Turkut Dibrën o mos më ja lanë
• Turkut Dibrën o mos me ja lanë

Heeeeeeeeej

• Hajredin Pasha o more ky hutaq
• S'lidhet Dibra more me kërbaq
• S'lidhet Dibra o more me kërbaq
• Hajredin Pasha ku e ke o ushtrinë

• Malet e Dibrës o more mi kanë ngri
• Malet e Dibrës o more mi kanë ngri-iee
• Malet e Dibrës o kanë mbet o të tanë

• Nuk janë pak o morë por dymbëdhjetë mijë

• Nuk janë pak o morë por dymbëdhjetë mijë

Këngëtaret që e kanë kënduar

• 19??. Aziz Ndreu me çifteli këndim tradicional
• 19??. Qerim Sula
• 19??. Vellezerit Ibraim dhe Elmaz Lala
• 19??. Vllezerit Gashi
• 19??. Zajaz Xhuma Dedja tradicionale me çifteli
• 1970. Arif Vladi ne skene
• 2007. Sinan Hoxha, Ermal Fejzullahu me përpunim bashkëkohor